Panorama Peninsula

Peninsula Plaza panorama | evening

Peninsula Plaza panorama | evening

Shot it on last year 17th Aug in front of Peninsula Plaza with iPhone4 and used Autostitch to combine them together.

Peninsula Plaza panorama | night

Peninsula Plaza panorama | night

360 Degree Panorama

ငွေဆောင် နဲ့ နတ်ကျောက်ပုံ ပန်နိုရားမားတွေ တင်ပြီးတဲ့နောက် သူငယ်ချင်းကောင်းများက ဤသို့ ထောပနာ ပြုကြလေကုန်သည်။

MTZO: “ဟင်… ပုံက အပြည့်လည်း မရဘူး.. ဒီမှာ ကြည့် သူများတွေ ဘယ်လိုလုပ်ထားလဲဆိုတာ..” (Google Map Street View ကိုဖွင့်လျက်)။

Sithu: “ဟွန့် 360 ဒီဂရီလည်း ဟုတ်ဘူး…” (၎င်းလေသံကား ရှော်လိုက်လေခြင်းဟူသော Tone အပြည့်အဝ ပါသတည်း။)

ထို့ကြောင့် ကျွန်ုပ်သည် ရိုးရိုးကင်မရာတစ်လုံးသည် 35mm lens သာရှိကြောင်း၊ ရေပြင်ညီ ဒီဂရီအားဖြင့် 53 ဒီကရီ မျှသာ ရှိကြောင်း၊ ထို့ကြောင့် 360 ဒီဂရီ အပြည့်အဝ ဖမ်းမိစေရန် အနည်းဆုံး ဓာတ်ပုံ ၇ ပုံ ရိုက်ရမည်ဖြစ်ကြောင်း၊ ယင်းပုံများကို ဆက်သောအခါတွင်လည်း အခက်အခဲများစွာ ရှိကြောင်း၊ ပုံများ တွန့်ခြင်း ကွေးခြင်း ဖြစ်တတ်ကြောင်း၊ မြင်ကွင်းကျယ် ကင်မရာသုံးမှသာ ပုံကောင်းကောင်းရမည်ဖြစ်ကြောင်း၊ Tripod ဒေါက်တံခံကာ ရိုက်မှသာ အသေးစိတ်မှန်ကန်သော ပုံရနိုင်မည်ဖြစ်ကြောင်းတို့ကို အာပေါင်အာရင်းသန်သန်ဖြင့် နာရီဝက်မျှ အချိန်ကုန်ခံကာ ရှင်းပြပါသော်လည်း ခေါင်းတခါခါ လည်တခါခါနှင့် ညံတာက ညံ့တာပါပဲကွာ ဟု အမူအရာဆောင်သော လက္ခဏာများကို ပြကြလေ၏။

နောက်ဆုံးတွင် မခံမရပ်နိုင်သော ကျွန်ုပ်မှာ အပြင်ကင်မရာနှင့် ရိုက်မရလျှင် ရှိစေတော့၊ 3D ကင်မရာနှင့် ရိုက်တော့အံ့ ဟု ကြုံးဝါးကာ အင်္ကျီလက်ကို ပင့်လျက် ယခင်ဖိုင်အဟောင်း အချို့ကို Panorama Utility ဖြင့် အားကြိုးမာန်တက် Render လုပ်လိုက်ရာတွင်မှ အနှီ ပုဂ္ဂိုဟ်အကောင်းစားလေးတို့ကား ပါးစပ်အဟောင်းသား ရှိကြလေကုန်တော့သတည်း။
:D :D

Nat Kyauk Beach | KyaukPhyu

ပြီးခဲ့တဲ့ နှစ်ကုန်ပိုင်းက မြန်မာပြည်ပြန်တော့ ဇာတိမြို့လေးဖြစ်တဲ့ ကျောက်ဖြူကို ရောက်ခဲ့တယ်။ ကျောက်ဖြူကို ဖြတ်ပြီး ရေနံနဲ့ သဘာဝဓာတ်ငွေ့ ပိုက်လိုင်းသွယ်မယ့် စီမံကိန်းကြောင့် ရုတ်တရက် စီးပွားရေး Boom ဖြစ်နေတာ တွေ့ခဲ့ရတယ်။ ဆွေးမြေ့နေတဲ့ ရေနက်ဆိပ်ကမ်း စီမံကိန်းတွေ ပြန်စနေတယ်ဆိုတဲ့ အသံလည်း ကြားခဲ့ရတယ်။ အားလုံးရဲ့လက်သည်ကတော့ ပေါက်ဖော်ကြီးပါပဲ။

Nat Kyauk Beach - Kyaukphyu

Nat Kyauk Beach - Kyaukphyu

ရောက်တုန်းရောက်ခိုက် Youtube တင်မယ်ဆိုတဲ့စိတ်ကူးနဲ့ ကျောက်ဖြူမှတ်တမ်း Clip လေးတွေ ရိုက်လာခဲ့တာ ခုထိ Edit မလုပ်ရသေးဘူး။ ဒီပုံကတော့ ကျောက်ဖြူရဲ့ အထင်ကရ နတ်ကျောက် ပါ။ နတ်ကြီးတယ်လို့ နာမည်ကြီးတဲ့ အင်မတန်လှတဲ့ ကျောက်ဆောင်နဲ့ လျှိုမြောင်တွေ ရှိတယ်။ ဒါပေမယ့် အဲဒီကို သွားတော့ ဓာတ်ပုံသွားရိုက်တာမဟုတ်ဘူး။ ဓနိရည် သွားသောက်တာ။ :P

အရင် ငွေဆောင်ပုံလိုပဲ Hugin သုံးပြီး ပုံကိုးပုံကို ပြန်ဆက်ထားတယ်။
View Larger Map

Panoramic Ngwe Saung

ပြီးခဲ့တဲ့ အပတ်က ငွေဆောင် သွားတုန်း ရွာဘက်ကနေ မြန်မာ ထရက်ရှာ မရောက်တရောက်မှာ စိတ်ကူးပေါက်လို့ ရိုက်ထားလိုက်တာ။ Hugin သုံးပြီး ပြန်ဆက်ထားတယ်။ မိုးတွင်းမို့လို့ မှိုင်းညို့ညို့ ဖြစ်နေတယ်။

Ngwe Saung Panorama

Ngwe Saung Beach Panorama

ဓာတ်ပုံ ရှစ်ပုံကို သုံးပြီး ပြန်ဆက်ထားတာ။ မသေမသပ်နဲ့။ တတ်နိုင်ဘူး။ နောက်မှ ကင်မရာကောင်းကောင်းရှာပြီး ထပ်စမ်းကြည့်ဦးမယ်။

Proudly powered by WordPress
Theme: Esquire by Matthew Buchanan.