Dining Diversity

တနေ့သ၌ ကျွနု်ပ်သည် ညစာကို ဘယ်သို့သော စားသောက်ဆိုင်တွင် သွားစားရပါ့ဟူသည့် အတွေးဝင်လာလေ၏။ စားသောက်ဆိုင် ပရောဂျက်များလုပ်ပြီးနောက် ၎င်းတို့ထံမှ အခမဲ့ဦးဦးဖျားဖျားစားရခြင်း၊ လျှော့ဈေးဖြင့် စားရခြင်း အစရှိသော အခွင့်ထူးများ ရတတ်လေရာ တရံတခါ ဤသို့သော စိတ်ကူးများ ဝင်လာတတ်သော ကျွနု်ပ်ကို အသုံးကြမ်းရုံကောဟု အပြစ်တင် မစောသင့်။

ပထမဆုံး ခေါင်းထဲရောက်လာသည်ကား ကလပ်ကေးမှ ဂျပန်စားသောက်ဆိုင်ပင် ဖြစ်ပေတော့သည်တစ်မုံ့။ သို့သော် ယင်းဆိုင်သည် ဆူလွန်းလှ၏။ အနှီပါတီပွဲတို့ကို အကြောင်းရှာ ကျင်းပလေ့ရှိကြသော သိုးဆောင်းသားတို့ ကျက်စားရာ ဖြစ်ပေကုန်၏။ သို့သော အတွေး ဝင်လာသည်နှင့် ထိုစားသောက်ဆိုင်ကို အတွေးစာရင်းမှ ဖျက်မိလေ၏။

Tomo Outside Night

Tomo Outside Night

Tomo Inside2

နောက်တစ်ဆိုင်သည်ကား ယင်း၏ လက်ခွဲဖြစ်ပေထသော ဒူးရင်းသီး အဆောက်အအုံကြီးနား၊ ခွေးခြင်္သေ့ ရုပ်တုကြီးနားမှ ဆိုင်ပင် ဖြစ်ပေ၏။ သို့သော် အကင်စာများကို ကျွနု်ပ်ကား ငြီးငွေ့လှပြီ။ အခြားဆိုင်များသို့သာ ခြေဦးလှည့်တော့အံ့။

Tomo Esplande

Tomo Esplande

နောက်တစ်ဆိုင်သည်ကား ကျွနု်ပ်၏ အကြိုက်ဖြစ်သော ယိုးဒယားစာ၊ သင်္ဘောသီးသုပ်တို့ ဖွယ်ဖွယ်ရာရာ စားသုံးနိုင်သော ထိုင်းဆိုင်ပင်ြဖစ်ပေတော့၏။ သို့သော် ဆိုင်ရှင်ဖြစ်သူ၏ ဖုန်းကညာတစ်ပါး မျက်နှာကို ပြေးမြင်မိသည်နှင့် ထိုအကြံအစည်ကို ဖျက်လိုက်ရပြန်လေတော့သည်။

Thai Restaurant

Thai Restaurant

နောက်တစ်ဆိုင်သည်ကား ဆန်တိုးစား အမည်ရှိ ကျွန်းငယ်တွင် ဖွင့်လှစ်ထားသော အိန္ဒိယ အစားအသောက်ဆိုင်ပင် ဖြစ်ပေသည်။ သို့သော် ချပါတီတစ်ချပ်အတွက် သွားရမည့်ခရီးနှင့် ယခုရက်ပိုင်း မခိုင်လှသော ဝမ်းကို စဉ်းစားမိသည်နှင့် ထိုအကြံကို ဆလံပြလိုက်ရပေတော့သည်။

Indian Restaurant One

Indian Restaurant One

Indian Restaurant Sentosa 1

Indian Restaurant Sentosa 1

Indian Restaurant Sentosa 2

Indian Restaurant Sentosa 2

နောက်နေရာတစ်ခုကား ဟော်လန်းရွာ အမည်ရှိ စားသောက်ဆိုင်များ ချည်းသာ ဖွင့်လှစ်ထားသော နေရာဖြစ်တော့၏။ ထိုနေရာရှိ ကိုရီးယားစားသောက်ဆိုင်ကား အပြောင်းအလဲတစ်ခု ဖြစ်လောက်ငြား၏ဟု တွေးမိရကား ယခုပင်ထသွားရန် အင်္ကျီကောက်စွပ်၏။ သို့သော် ဘုစုခရုမှ အစပြု၍ အရွယ်သုံးပါးသော လူတို့သည် ထိုနေရာတွင် ကြက်ပျံမကျလောက်အောင် ကြိတ်ကြိတ်တိုးနေရကား မသိသူတို့မှာ စင်္ကာပူဟူသည် အစားသောင်းကျန်းသူတို့သာ နေသော အရပ်ပါကလားဟု ထင်မှတ်ရသော နေရာ ဖြစ်ပေသည်ကို တွေးမိရကား စိတ်ညစ်ညူးလှသည်နှင့် အင်္ကျီကို ပြန်ချွတ်၏။

Korean Restaurant 1

Korean Restaurant 1

Korean Restaurant 2

Korean Restaurant 2

အနှီနေရာတို့ကို ရှောင်ကွင်းစဉ်းစားသော် ခေါင်းထဲဝင်လာသည်ကား ဘောကျော်တို့ထွက်ရာ ဘရာဇီးဒေသ အစားအစာတို့ကို သုံးဆောင်ရန် ဖြစ်၏။ သို့သော် ယင်းမှာ ဆောက်လက်စဖြစ်၍ လွှစာမှုန့်သာ စားရန် ရှိတော့၏။

Brazil Restaurant One

Brazil Restaurant One

Brazil Restaurant Two 1

Brazil Restaurant Two 1

Brazil Restaurant Two 2

Brazil Restaurant Two 2

နောက်ဆုံးမတော့ ကျွနု်ပ်သည် ကြက်ဥတစ်လုံး ကောက်ကြော်ကာ ငါးပိရည်နှင့် မြန်မာဆန်ဆန် ကုန်းတုပ်လိုက်ရလေတော့သတည်း။

Speed Up V-Ray

St. Regis Kitchen

မသိနားမလည်ခင်ကပုံ Render Time - 40 mins

V-ray စသုံးကာစက Render setting ကို မြင့်မြင့်ထား၊ Resolution များများနဲ့ ကြာချင်သလောက် ကြာပလေ့စေဆိုပြီး အသေအကြေ Render လုပ်ခဲ့တာပေါ့။ ဟုတ်တယ်လေ.. ကွန်ပျူတာမှာ Render လုပ်ထားလို့ဆိုပြီး ကော်ဖီသွားသောက်နေတာတို့ ဝက်ဆိုက်တွေ လျှောက်ကြည့်တာတို့ လုပ်လို့လည်း ရတယ်လေ :D ။ နောက်ပိုင်းမှာ စောင့်ရတာ စိတ်မရှည်တော့ Render Setting တွေကို လျှော့လို့ရတာမှန်သမျှ အကုန်လိုက်လျှော့ရင်းနဲ့ အခုဆို ပျမ်းမျှ Render Time ၅ မိနစ်ကနေ ၁၅ မိနစ်ကြားပဲ ရှိတော့တယ်။

ဘယ်ဟာတွေမှာ လျှော့လို့ရလဲဆိုတော့…

၁) Resolution မြင့်တဲ့ ပုံကြီးတွေအတွက် Antialiasing ကို Off ပါ။
၂) Irradiance map ကို လျှော့ပါ။ Hsph. subdivs နဲ့ Interp, samples တွေကို သုံးရုံလောက်ဖြစ်တဲ့အထိ လျှော့ချပါ။ အပိုဆာဒါး Option တွေကို အကုန် Off လုပ်ပါ။
၃) Light cache မှာ Subdivs ကို အလယ်အလတ်လောက်ပဲထားပါ။ ဘာလို့လဲဆိုတော့ Subdivision ရဲ့ တွက်ချက်ပုံက စုစုပေါင်းတန်ဖိုးဟာ အဲဒီမှ ပြထားတဲ့ ကိန်းဂဏန်းရဲ့ နှစ်ထပ်ကိန်းဖြစ်တဲ့အတွက် ဖြစ်တယ်။ ဥပမာ 500 ထည့်ရင် Light cache photon 500×500 = 250,000, 1000 ထည့်ရင် 1000×1000 = 1,000,000 ဖြစ်တဲ့အတွက် ဘယ်လောက်ထိ တွက်ချက်ရတဲ့ ပမာဏ ကွာသွားတယ်ဆိုတာ တွေ့နိုင်တယ်။
၄) Light cache, Number of passes ကို CPU Thread အရေအတွက်အတိုင်း ထားပါ။ ဥပမာ Core2duo ဆိုရင် 2 ထားပါ။ Core2quad ဆိုရင် 4 ထားပါ။
၅) System ထဲမှာ Dynamic memory ကို RAM ရဲ့ 60% လောက် ပေးထားပါ။ Render region division ကို ကြီးကြီးထားပါ။
၆) Material Editor မှာ Reflection ရဲ့ Subdivision ကို မလိုအပ်ဘဲ အများကြီး မမြှင့်ပါနဲ့။ Max depth ကို တတ်နိုင်သလောက်လျှော့ချပါ။ 3 အောက်တော့ မလျှော့ပါနဲ့။

Botanic Garden Outdoor

လူပါးဝပြီးနောက် Render Time - 10 mins

အရောင် နှိုင်းယှဉ်ခြင်း ဆိုတာ ဘာလဲ?

Title image

နှိုင်းယှဉ်ခြင်းဆိုသည့် စကားလုံးကို ရှုထောင့်အမြင်မျိုးစုံ မှ အဓိပ္ပါယ်ဖွင့်ဆိုထားကြပါတယ်။ အဘိဓာန်တွေထဲမှာ အရောင်နှိုင်းယှဉ်ခြင်း ကို မတူညီသော အရာဝထ္ထုများ၊ အရောင်များကို ကပ်ညှိထားခြင်း ( အရောင်၊ အသံ၊ ခံစားမှုအနုပညာ၊ ပန်းချီကားတစ်ချပ် ဓာတ်ပုံ ရုပ်မြင်သံကြား တို့၏ အလင်းဆုံးနှင့် အမှောင်ဆုံး အပိုင်းများအကြား ကွာခြားမှု Degree) လို့ ဖွင့်ဆိုထားပါတယ်။ အရာဝထ္ထု နှစ်ခု ကိုကွဲပြားစွာ နှိုင်းယှဉ်ရန်အတွက် လူ သို့မဟုတ် အရာဝထ္ထု တို့၏ မတူညီသော အရည်အသွေးများကို နေရာချင်းနှိုင်းယှဉ်ခြင်းပဲ ဖြစ်ပါတယ်။

black & white

ဒီပုံမှာ လူအုပ်ရဲ့ အရောင်ဟာ မီးခိုးရောင် အခဲ အပြင်လို ဖြစ်နေတာကြောင့် ဒီအဖြူ ၊ အမဲ ဓာတ်ပုံဟာ အသေးစိတ်ဖတ်နိုင်ဖို့ ခက်ခဲတာကို တွေ့ရပါတယ်။ ကျွန်တော်တို့တွေ မြင်တွေ့ရတဲ့ နောက်ဆုံးရလဒ်ကတော့ အဖြူ၊ မီးခိုးရင့်ရောင် နဲ့ ရုပ်လုံးမကြွ တဲ့ စိတ်ဝင်စားစရာ မကောင်းသော ပုံတစ်ပုံ ပါပဲ။

နောက်တစ်ပုံ ကိုကြည့်မယ်ဆိုရင်တော့ ဖန်တီးရှင်က ဒီမီးဖိုချောင်ထဲက ရှုပ်ထွေးတဲ့ ဒီဇိုင်းနဲ့ ပုံဖော်ထားတဲ့ ဘီဒိုတွေကို ပေါ်လွင်စေဖို့ နံရံ နဲ့ ကြမ်းခင်းအတွက် မီးသွေးရင့်ရောင် ကိုသုံးထားပြီး ဘီဒိုတွေကိုတော့ နို့နှစ်ရောင် ခြယ်ပြီး မီးဖိုချောင်ရဲ့ ဖွဲ့စည်းမှုကို ထင်ရှားပေါ်လွင်စေတာ တွေ့ရပါတယ်။ ပြန်ကြည့်မယ်ဆိုရင် ကောင်းမွန်မှန်ကန်တဲ့ အဖြူ၊ အနက် ပုံဟာ အရောင်နှိုင်းယှဉ်ထားတာကို အသိမှတ်ပြုစေတဲ့ ပြည့်စုံတဲ့ နည်းလမ်းပါ။ မှန်ကန်တဲ့ မှင်အရောင်တွေက ပုံရဲ့ အသေးစိတ်ကိုနှိုင်းယှဉ်ညှိနှိုင်း ရေးဆွဲပေးသွားခြင်း ဖြစ်ပါတယ်။

kitchen

အရောင်နှိုင်းယှဉ်ခြင်း

စားကျက်စိမ်းကို နောက်ခံထားတဲ့ သိုးဖြူတစ်ကောင်၊ စိမ်းပြာရောင် ပင်လယ်ပြင်ပေါ် မှာ မြှုပ်ချည်ပေါ်ချည် ကစားနေသော တောက်ပတဲ့ လိမော်ရောင် အချက်ပြ ဘော်လုံးများ၊ ဆီးနှင်းတွေ ဖုံးအုပ်နေတဲ့ တောင်ကုန်းအောက်က ပေါ်ထွက်နေတဲ့ အနက်ရောင် ကျောက်ဆောင် အငူအစွန်းတွေ စသဖြင့် သဘာဝက နှိုင်းယှဉ်ပေးထားတဲ့ အရောင်တွေ ကို ကျွန်တော်တို့ရဲ့ ပတ်ဝန်းကျင်မှာ နေ့စဉ် မြင်တွေ့ နေရပါတယ်။ ဒါတွေဟာ ကျွန်တော်တို့တွေ သင်ယူခဲ့ဖူးတဲ့ အရောင် နှင့် အရိပ် (အသံ) နှစ်ခု နှိုင်းယှဉ်ခြင်း ဖြစ်သလို အရာဝထ္ထု တစ်ခုရဲ့ ပုံစံ နဲ့ အသွင်အပြင်ကို နှိုင်းယှဉ်ခြင်း ဖြစ်ပါတယ်။

white & blue

အနက်ရောင် ကျောက်တုံးများ နှင့် အဖြူရောင် ဆီးနှင်းများ အကြား မညီညာသော နှိုင်းယှဉ်မှု။

အကယ်လို့ အရာဝထ္ထု နှစ်ခုဟာ ပုံစံတူတဲ့ သွင်ပြင်သဏ္ဍန် ရှိပြီး တစ်ခုနဲ့တစ်ခု သိပ်နီးကပ် နေမယ်ဆိုရင် ပုံထွက် အရောင်ဟာ ပတ်ဝန်းကျင် က အရောင်တွေနဲ့ ရောစပ်သွားပြီး တခုကို တခု ခွဲခြား သိမြင်နိုင်ဖို့ အလွန်ကို ခက်ခဲပါတယ်။ ဒါဟာ နှိုင်းယှဉ်ြခင်း မဟုတ်ပါဘူး။ ဒါဟာ အိမ်တွင်းအလှဆင်မှု အပိုင်းမှာ ကျွန်တော်တို့ သဘောမတွေ့တဲ့ နေရာတွေကို ပုံဖျက်ဖို့အတွက်တော့ အလွန် အသုံးဝင်တာ တွေ့ရပါတယ်။

bench

ကွန်ကရစ်ဖုံးလမ်း နှင့် အစိမ်းရောင်မြက်ခင်းပြင် နှစ်ခုကို နှိုင်းယှဉ်ကာ သီးခြား ထိုင်ခုံနေရာ ဖန်တီးခြင်း။

ဥပမာ ။ ။ ခုန်တန်းလျားပေါ်မှ အညိုရောင် သစ်သားကြောင်အိမ် တံခါးရွက်ပုံ ပေါ်အောင် ဆေးသုပ်ထားခြင်း နဲ့ အရောင်ဖျော့ နံရံတွေ ဟာ အမြင်မှာ ကြီးမားတဲ့ ထားသိုစရာနေရာများ မှ နံရံ အတွင်း သို့ ဝင်ရောက်သွား သည်ဟု ထင်ယောင်ထင်မှား ဖြစ်စေပြီး နှိုင်းယှဉ်ခြင်း လမ်းကြောင်းများကို ဖယ်ရှားထားပါတယ်။ ဒါကြောင့် အရောင်နှိုင်းယှဉ်ခြင်း ဟာ ဒီဇိုင်း နဲ့ တစ်စုံတစ်ရာ ကို ဖမ်းဆုပ် ပုံဖော်ညွှန်းဖို့ အတွက် အလွန် အသုံးဝင်သော ကိရိယာတန်ဆာပလာ တစ်ခု ဖြစ်ပါတယ်။

Ivy Generator

မိမိရဲ့ 3D Scene အတွက် ရှုပ်ထွေးပွေလီတဲ့ နွယ်ပင်နွယ်ခက်တွေ လိုချင်ပါသလား။ Ivy Generator ဆိုတဲ့ Open Source Software ပေါက်စလေးရှိကြောင်း လက်တို့လိုက်ပါရစေ။

သူ့ရဲ့ရည်ရွယ်ရင်းက သဘာဝကျကျရှုပ်ရှက်ခတ်နေတဲ့ နွယ်ပင်တွေ ကျပန်းထုတ်လုပ်ပေးဖို့ဖြစ်တယ်။ သူ့ရဲ့အရွက်တွေဟာ လေးထောင့်ပြား Square Plane ဖြစ်တဲ့အတွက် Alpha Channel ပါတဲ့ ဘယ် Texture မဆို သုံးလို့ရတယ်။ သူ့ Software လေးထဲမှာ နွယ်ပင်တွေပေါက်လာတာ ကြည့်ရတာနဲ့တင် စမ်းကြည့်ရကျိုးနပ်တယ်လို့ ပြောရမယ်။

သူ့ရဲ့ Export Import Format က obj နဲ့ mtl ဖြစ်တယ်။ နွယ်ပင်တွေအများကြီးဖြစ်သွားရင်တော့ Import မှာ တော်တော်နှေးလိမ့်မယ်။ V-ray သမားတွေဆိုရင်တော့ Scene ပေါ့စေဖို့ V-ray Proxy သုံးဖို့ လိုပါလိမ့်မယ်။

ဒါကတော့ Botanic Garden ကားပါကင်က စားသောက်ဆိုင်ရဲ့ အောက်ဒိုး Scene တွေထဲက တစ်ခုဖြစ်တယ်။ Botanic Garden ဘက် နံရံပေါ်က နွယ်တွေကို Ivy Generator နဲ့ ထုတ်ထားတာဖြစ်တယ်။ Render မြန်အောင် Anti-aliasing ပိတ်ထားတဲ့အတွက် ပုံက အနီးကပ်ကြည့်ရင် Pixel ထောင့်တွေထနေတာ တွေ့ရလိမ့်မယ်။

Botanic Garden Ivy

Botanic Garden Ivy

HDB Living Room

ကိုမောင်ဆန်း ဝေမျှတာကြည့်ပြီး…ကျွန်တော်လဲ တတ်သလောက်ဝေမျှတာပါ… အခုလုပ်ထားတာလေးက autocad ထဲမှာ 2d ကို plan နဲ့ elevation တွေ အကုန်ဆွဲ..ပြီးတာနဲ့ max ထဲကနေ import နဲ့ ခေါ်ထည့်ပြီး….max ထဲမှာ အဲဒီ 2d တွေကို snap ကောက်ပြီး.. အတိအကျ model ဆောက် ..နောက် vray နဲ့ material တွေကပ် ..render ချထားတာပါ.. ဒါ HDB flat တစ်ခု အတွက် လုပ်ပေးထားတာပါ…ကန့်သတ်ချက်တွေကြားထဲက ရသမျှကောင်း အောင်ကြိုးစားရပါတယ်….ဒီပုံမှာ..အဓိကက lighting ပါ…မနက် စောစောနေရောင်နဲ့ ..ညကထွန်းခဲ့လို့ မပိတ်ရသေးတဲ့ artificial lights တွေ နဲ့ ချိန်ပြီး လုပ်ထားတာပါ…..ပြီးမှ photoediting အနေနဲ့ Picasa ထဲမှာ ..Glow , B&W effect လေးထည့်ထားတာပါ…

Glow living room

Glow living room

Heavy 3D

တစ်ခါက ခရီးသွားတစ်ယောက်ဟာ ဆန်အိတ်ကြီးတစ်အိတ်ကို ထမ်းလာရင်း လေးလွန်းလို့ ညည်းညူနေသတဲ့။ သူနဲ့ ခရီးအတူသွားနေတဲ့ အဘိုးအိုက ပေါ့စေချင်ရင် ကျောက်တုံးတစ်တုံးကို ဆန်အိတ်ထဲ ကောက်ထည့်သွား လို့ အကြံပေးပါသတဲ့။ ခရီးသွားလည်း အဖိုးအို ပြောတဲ့အတိုင်း ( မိုက်ပ.. ပုံပြင်ကြိုဖတ်ထား ပြီးရော) ကျောက်တုံးကို ဆန်အိတ်ထဲ ကောက်ထည့်ပြီးသွားတာ တအောင့်လောက်လဲ ကြာရော ခြေကုန်လက်ပမ်းကျပြီး အဘိုးအိုကို ချောက်တွန်းရကောင်းလားဆိုပြီး အပြစ်တင်သတဲ့။ အဲတော့မှ အဘိုးအိုက ကျောက်တုံးကို ပစ်ချဖို့ ပြောပါသတဲ့။ ကျောက်တုံးမရှိတော့တဲ့နောက် ဆန်အိတ်ဟာ အင်မတန်ပေါ့သွားတာကို အံ့ဩဖွယ် တွေ့ရှိရသတဲ့။

One of 16 cameras Setup in a single scene of Adria

Adria: One of 16 camera Setups in a single scene

တစ်ခါတစ်လေ 3D ဆွဲတဲ့လူတွေ ကြုံရတဲ့ ပြဿနာက Scene ထဲမှာ Polygon Load တွေ မတရားများနေတတ်တာ။ View ကို Pan ဆွဲကြည့်ဖို့တောင် ခက်နေတတ်တယ်။ ဒီလို 3D Overload ဖြစ်တာကို Hardware အဆင့်မြှင့်စရာ မလိုဘဲ နည်းလမ်းတချို့နဲ့ အလွယ်တကူ ဖြေရှင်းနိုင်တယ်။

ကျွန်တော်သုံးနေကျ Tips တွေထဲက တချို့ကို ပြောရမယ်ဆိုရင်
၁။ ပစ္စည်းတွေ အများကြီးစုနေတဲ့ အရာမျိုး (ဥပမာ – စားပွဲ ကုလားထိုင် Setting ) ကို Group လုပ်ထားပါ။
၂။ Polygon နည်းနည်းမြင့်တဲ့ ပစ္စည်းတွေကို bounding box အဖြစ် ပြောင်းထားပါ။ 3D Memory ခြွေတာရာ ရောက်တယ်။
၃။ Polygon အရမ်းမြင့်တဲ့ ပစ္စည်းတွေကို Proxy object လုပ်ထားပါ။ V-ray သုံးရင် V-ray Proxy လုပ်ပါ။ Render Memory Overload က ကာကွယ်ပေးတယ်။ Max File ကိုယ်တိုင်ကို လျှော့ချရာရောက်တယ်။ 3D အနေနဲ့လည်း ပေါ့သွားတယ်။
၄။ Camera နဲ့ Reflection မှာ မပေါ်တဲ့ ပစ္စည်းတွေကို Hide လုပ်ထားပါ။
၅။ Camera နဲ့ ဝေးတဲ့ ပစ္စည်းတွေကို Multires သုံးပြီး Polygon လျှော့ချပါ။
၆။ ပစ္စည်းတိုင်းကို Unique Name ပေးထားပါ။ ရေရှည်မှာ ရှုပ်ထွေးမှုတွေကို လျှော့ချနိုင်တယ်။

Proudly powered by WordPress
Theme: Esquire by Matthew Buchanan.