Moroccan Living


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1291

Moroccan Theme Livingroom

Moroccan Theme Livingroom


This is the one of the early designs of the Moroccan theme.

Suntec Convention


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1291
Suntec Convention| Main Reception

Suntec Convention| Main Reception

Suntec Convention| Reception Closeup

Suntec Convention| Reception Closeup

Suntec Convention| Meeting Room

Suntec Convention| Meeting Room

Suntec Convention| Lv2 Ballroom

Suntec Convention| Lv2 Ballroom

Suntec Convention| Concession Stand

Suntec Convention| Concession Stand

These are a few 3D I created out of hundreds for Suntec project.

How to Model a Chandelier


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1291

မီးပန်းဆိုင်းတွေကို ကြည့်လိုက်ရင် ရှုပ်ရှက်ခတ်နေတယ်လို့ ထင်ရမယ်။ 3D Scene ထဲမှာ ထည့်ဖို့ လိုလာရင် ဘာမှ ဆက်မလုပ်ချင်လောက်အောင် စိတ်ညစ်ဖို့ကောင်းတဲ့အလုပ်။ ဒါပေမယ့် မီးပန်းဆိုင်းဆွဲရတာ ထင်သလောက်မခက်လှ။ သူ့မှာ ပုံသေ ပုံစံတစ်ခုခုကို ဝင်ရိုးတစ်ခုခုပေါ်မှာ လှည့်ထားတတ်တာ ဖြစ်တဲ့အတွက် တစ်ဆင့်ချင်း အလွယ်တကူ ဆွဲလို့ ဖြစ်တယ်။

Chandelier Tutorial Fig - 01

Chandelier Tutorial Fig - 01

၁။ မီးပန်းဆိုင်းပုံကို Background/ Textured Plane ထားပါ။

Chandelier Tutorial Fig - 02

Chandelier Tutorial Fig - 02

၂။ အလယ်ဝင်ရိုးကို Line နဲ့ Trace လိုက်ပြီး Lathe Modifier ပေး၊ လှည့်လိုက်ပါ။ လိုအပ်ရင် အလယ်ဝင်ရိုးရဲ့ Objectတွေကို တစ်ခုချင်း ဆွဲပါ။

Chandelier Tutorial Fig - 03

Chandelier Tutorial Fig - 03

၃။ မောင်းတံ ဘယ်နှစ်မျိုးရှိလဲဆိုတာ သေချာကြည့်ပါ။ ရှိသမျှ မောင်းတံအမျိုးအစားတွေကို တစ်ခုစီ ဆွဲပါ။ ဒီနေရာမှာ အသေးစိတ်ဆွဲဖို့ လိုပါတယ်။

Chandelier Tutorial Fig - 04

Chandelier Tutorial Fig - 04

၄။ မောင်းတံမှာ ပါတဲ့ Object တွေကို Group လုပ်လိုက်ပါ။ Group ရဲ့ Pivot Center ကို ဝင်ရိုးအလယ်တည့်တည့်မှာ ထားပေးပါ။

Chandelier Tutorial Fig - 05

Chandelier Tutorial Fig - 05

၅။ နောက် မောင်းတံဘယ်နှခုရှိလဲ ခန့်မှန်းပါ။ ၃၆၀ ဒီကရီကို မောင်းတံအရေအတွက်နဲ့ စားပါ။ နောက် Rotate Tool ကိုသုံးပြီး စောစောက ရလာတဲ့ ဒီကရီအတိုင်းလှည့် Instance နဲ့ Copy ကူးပါ။ Copy အရေအတွက်ကို စုစုပေါင်း မောင်းတံအရေအတွက်ကနေ တစ် နှုတ်ပြီး ပေးပါ။ အဲဒီအတိုင်း ကျန်တဲ့ မောင်းတံ အမျိုးအစားတွေကို လိုက်လုပ်ပေးပါ။

Chandelier Tutorial Fig - 07

Chandelier Tutorial Fig - 07

ဒါဆိုရင် ရှုပ်လှပါတယ်ဆိုတဲ့ မီးပန်းဆိုင်းတစ်ခု ရပြီ။ ဘယ်နှယ့်လဲ လွယ်တယ် မဟုတ်လား။ ;P

Moroccan Chandelier

Chandelier in Moroccan Style Room

ဘိုလီဗတ် အရှုပ်တော်ပုံ


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1291

တစ်နေ့တွင် ဝမ်းမရီနာ ဘိုလီဗတ်သို့ ဖော်မပါတစ်ကိုယ်တည်း ကင်မရာတစ်လုံး၊ ပေကြိုးတစ်ချောင်းဆွဲကာ ထွက်ခဲ့လေ၏။ အခါတိုင်းကား သူတပါးရိုက်လာပေးသော ဓာတ်ပုံ၊ အတိုင်းအတာ၊ Autocad Plan တို့ကို အခြေတည်ကာ 3D ပုံများ ဆွဲရသော်ငြား ယခုတွင် ကိုယ်စီကိုယ်စီ မအားမလပ်နိုင်အောင် ရှိကြသောကြောင့် တစ်ကိုယ်တော် ကြဲရတော့မည်။

သို့ဖြင့် ယင်းသို့ရောက်သော် လုံခြုံရေးအမျိုးသမီးကို ခွင့်တောင်းရ၏။ ယင်းကား အူကြောင်ကြောင်လုပ်နေသဖြင့် နောက်ဆုံးတွင် ကောင်တာမှ အမျိုးသမီးထံ ရောက်သွားလေ၏။

“ဓာတ်ပုံရိုက်မယ်နော်”
“အဟင်းဟင်း မောင်လေးကလည်း ဘာတွေ လာပြောနေတာလဲ”
“ဒီလော်ဘီကို ဓာတ်ပုံရိုက်မယ်လို့ ပြောတာခင်ဗျ”
မချောကား မျက်နှာတစ်ချက် တင်းသွားကာ သူ့ဘေးမှ အမျိုးသမီးနှင့် ကြိတ်ကြိတ်ကြိတ်ကြိတ် တိုင်ပင်လေ၏။ ယင်းနောက် ကျွန်ုပ်ဘက် ပြန်လှည့်လာလေသည်။

“ဓာတ်ပုံရိုက်ဖို့ ခွင့်မပြုနိုင်ပါဘူးရှင့်.. 12 ထပ်က အဆောက်အအုံထိန်းသိမ်းရေးက စာထုတ်ပေးမှ ရိုက်လို့ရမယ်”

သို့ဖြင့် ကျွန်ုပ်လည်း ၁၂ ထပ် တက်ရ၏။ အနှီပုဂ္ဂိုဟ်ကား သဘောကောင်းလှ၏။ သူအောက်ကလူတွေကို အကြောင်းကြားလိုက်မည်။ ရိုက်သာရိုက်ပါဟူ၏။ သို့နှင့် ကျွန်ုပ်လည်း အောက်ထပ် ပြန်ဆင်း၏။ ရိုက်မည်ပြု၏။ လုံခြုံရေးအမျိုးသမီးက လာတား၏။ ကောင်တာသို့ရောက်၏။ ကောင်တာမှ မချောနှင့် အခြေအတင် စကားများးကြ၏။ လုံခြုံရေးမှ လူကြီးရောက်လာ၏။ ကျွန်ုပ်က ရှင်းပြ၏။ ၁၂ ထပ်သို့ ဝေါ်ကီတော်ကီများဖြင့် လှမ်းဆက်ကြ၏။ အော်ကြ၏။ ပြောကြ၏။ အချင်းချင်းလည်း စကားများကြ၏။ နောက်ဆုံးတွင်ကား ရိုက်နိုင်ပါပြီဟူ၏။

ဤပုံကား ကျွန်ုပ်ကိုယ်တိုင် ရိုက်ကူးတိုင်းတာခဲ့သော အချက်အလက်များကို အခြေခံ၍ ဒီဇိုင်းဆွဲထားသောပုံဖြစ်လေတော့သတည်း။ :P

One Marina

ဆန်းသစ်တီထွင် ဒီဇိုင်းပညာရှင်


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1291
Perspective Sketch

Perspective Sketch

ယနေ့ လူမှုပတ်ဝန်းကျင်အသိုင်းအဝိုင်းနယ်ပယ်တွင် လူသားများသည် မိမိတို့ နေထိုင်လုပ်ကိုင်နေရသော အဆောက်အဦးများအား အမိုးအကာ လုံရုံဟူသော အနေအထားမျိုးတွင် ရောင့်ရဲတင်းတိမ် မနေတော့ဘဲ တစ်နေ့ထက်တစ်နေ့၊ တစ်ရာသီထက်တစ်ရာသီ ပိုမိုဆန်းသစ်သော အဆင်တန်ဆာ ဒီဇိုင်းများဖြင့် ဖန်တီးပြုလုပ်ရန် ဆန္ဒရှိလာကြပေသည်။ တိုးတက်လာသော ခေတ်စနစ်၊ နည်းပညာများနှင်အညီ လူသားတို့၏ လိုအပ်ချက် စိတ်ဆန္ဒတို့မှာလည်း တစ်စထက်တစ်စ မြင့်မားလာကြပေသည်။

ထိုလိုအပ်ချက်များကို ဝန်ဆောင်မှု အပြည့်အဝ ပေးနိုင်ရန်အတွက် လုပ်ငန်းခွင်၏ စံသက်မှတ်ချက်များနှင့် ကိုက်ညီကာ ကျွမ်းကျင်သော အလုပ်သမားများ လိုအပ်လာပါသည်။ လုပ်ငန်းရှင်များမှာလည်း အလားအလာရှိကာ လုပ်ငန်းခွင် စံသတ်မှတ်ချက်များနှင့် ကိုက်ညီသင့်တော့သည့် အလုပ်သမားများကို ရှာဖွေလာတတ်ကြသည်။ ၄င်းတို့သည် တိုးတက်လာသည့် အမြင်တို့နှင့်အညီ လူသားတစ်ဦးချင်းစီ၏ သီးသန့်ရွေးချယ်ခြင်းဟူသော သဘောထားကွဲလွဲခြင်းများကို သီးခံညှိနှိုင်းကာ သဘာဝပတ်ဝန်းကျင်နှင့် လိုက်လျောညီထွေမှု ရှိသော အဆောက်အုံများကို ဖန်တီးပေးနိုင်ကြရမည်။

ယခုလက်ရှိပြောင်းလဲနေသော နည်းပညာရပ်များက ဒီဇိုင်းပညာရှင်များအား အမြဲတစ်စေ တီထွင်ကြံဆနေစေရန် ဖိအားပေးလျက်ရှိသည်။ ထို့ကြောင့် ဒီဇိုင်းပညာရှင်များသည် ပြောင်းလဲနေသော ခေတ်စနစ် အခြေအနေများကို မျက်ခြေအပြတ်မခံပဲ အဆောက်အအုံတို့၏ ပြောင်းလဲခြင်းပုံစံ၊ ဖွဲ့စည်းတည်ဆောက်ပုံ ဆန်းသစ်မှု၊ ထပ်မံဖြည့်စွက်မည့် ပစ္စည်းများကို လူသားတို့၏ လိုအပ်ချက်နှင့် ထပ်တူကျအောင် အစဉ်တစိုက် ကြိုးပမ်းနေသင့်သည်။ ထို့အပြင် ဒီဇိုင်းပညာရှင်တစ်ယောက်သည် တစ်ခုခုကို ဖန်တီးသောနေရာတွင် တစ်ထပ်တည်းဖြစ်နေသော ရှုခင်းကိုပင် အမြင်ပြောင်းလဲပေးနိုင်စွမ်း ရှိရမည့်အပြင် စွန့်ပြစ်ပစ္စည်းထဲမှပင် ဆန်းပြားသော အသစ်အဆန်းတစ်ခု အသွင်ကို ဖန်တီးကာ အစားထိုး အသုံးပြုနိုင်ရပေမည်။

ဒီဇိုင်းဆွဲသားခြင်းဟူသော အတတ်ပညာသည် အလျား၊ အနံ၊ အမြင့် ဟူသော ထုထည် ပမာဏများနှင့် ဆက်စပ်တွေးတော ကြံဆခြင်းဖြစ်သော်လည်း အချိန်ဟူသည့် အတိုင်းအတာ ပမာဏနှင့် အဆောက်အအုံများ၏ ဆက်စပ်မှုကိုလည်း ထည့်သွင့်စဉ်းစားနိုင်ရမည်။ သို့မှသာ သတ်မှတ်ထားသော အချိန်ကာလအတွင်း စိတ်ကြိုက် ဒီဇိုင်းကို တီထွင်နိုင်မှာ ဖြစ်သည်။

အဆောက်အအုံတစ်ခု၏ ထင်ရှားသော လက္ခဏာ အစိတ်အပိုင်း ( ၆ )ရပ်မှာ တည်နေရာ၊ ဖွဲ့စည်းတည်ဆောက်ပုံ၊ ကိုယ်ထည်အခွံ၊ ဝန်ဆောင်မှု၊ နေရာလွတ်နှင့် စီမံချက်တို့ ဖြစ်ပါသည်။ အိမ်တွင်းအလှဆင် ဒီဇိုင်းပညာရှင်များသည် နေရာလွတ်လပ်မှုနှင့် စီမံချက်အနေအထားတို့ကို အာရုံစူးစိုက်နေစဉ် ကျန်သော အချက်အလက်များအတွက် ကျိုးကြောင်းခိုင်လုံစွာ အကျိုးသက်ရောက်မှု ရှိစေရန်ကိုလည်း ထည့်သွင်းစဉ်းစားရမှာ ဖြစ်ပေသည်။ ထိုသို့ စဉ်းစား တွေးခေါ်မှုများသည် လက်တွေ့ ဆောက်လုပ်ရေး လုပ်ငန်းခွင်တွင် အကောင်အထည် ဖော်နိုင်ရန်အတွက် အမြဲတစ်စေ လေ့လာ လေ့ကျင့်ထားရန် လိုအပ်ပါသည်။

ဒီဇိုင်းပညာရှင်တစ်ယောက်သည် စွယ်စုံရသော အတတ်ပညာရှင် တစ်ယောက်ဖြစ်ရန် မလိုအပ်သော်လည်း မိမိ၏ ဒီဇိုင်းနှင့် ပတ်သတ်ကာ အရာရာ အားလုံးကို ခြုံငုံ သုံးသပ်တတ်နိုင်ရပေမည်။ တိုးတက်နေသော ယနေ့ကမ္ဘာပေါ်တွင် လူဦးရေ တိုးတက်လာသည်နှင့်အမျှ အဆောက်အဦးများ ပြွတ်သိပ်လာမှုကြောင့် လက်တွေ့အသုံးကျသော အယူအဆ၊ သဘောတရား နည်းများကို စဉ်းစားတွေးခေါ် နိုင်မှသာ ထူးချွှန်သော ဒီဇိုင်းပညာရှင်တစ်ယောက် ဖြစ်နိုင်ပေမည်။

ဒီဇိုင်းပညာရှင်တစ်ယောက် အနေဖြင့် ၅နှစ်စာအတွက် ပြသနာများကို ကြိုတင်တွေးတော အဖြေရှာဖွေရာတွင် ၅မိနစ်အတွင်း ဖြေရှင်းလိုက်သော ဖြစ်ကတတ်ဆန်း လုပ်ရပ်မျိုးကိုလည်း ရှောင်ကြဉ်သင့်ပါသည်။ ဘက်ပေါင်းစုံ၊ နေရာပေါင်းစုံမှာ မရှိမဖြစ် အရေးပါနေသော ဒီဇိုင်းပညာရှင်တစ်ယောက် ဖြစ်နိုင်ဖို့ ဆန်းပြားမှုကို ခုံမင်တတ်သော လူသားတို့၏ စံသတ်မှတ်ချက်များကို ပြည့်စုံအောင် ဖန်တီးပေးစေနိုင်ရန် ဆန်းသစ်သော အတတ်ပညာများကို ကျွမ်းကျင်မှုရှိရန်၊ ကြိုးပမ်းခြင်းဖြင့် အိမ်တိုင်ရာရောက် ဖန်တီးပေးနိုင်သည်ဟူသော ဝန်ဆောင်မှုတို့ဖြင့် ကမ္ဘာကြီးအား လှသထက်လှအောင် အလှဆင်ကြပါစို့။

Lighting basic သို့ အလင်းရဲ့ အခြေခံ


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1291

ဒီနေ့ခေတ်မှာ exterior ပဲဖြစ်ဖြစ် interior ပဲဖြစ်ဖြစ် မပါမဖြစ် မျိုးစုံအောင်ပါတာက Light ပါ အဲဒီ light တွေထဲက Natural light source နေ နဲ့ Skylight , နောက် artificial light တွေ များလွန်းလို့ သိတောင်မသိသလိုဖြစ်နေပြီ။ ဒါနဲ့ပဲLight နဲ့ပတ်သတ်ပြီး အတွေ့အကြုံလေးတွေနဲ့ပေါင်းစပ်ပြီး သိချင်လို့ ဖတ်လိုက်တာ စာအုပ် ၂ အုပ် ၃ အုပ်လောက်ပေါင်းမှ ရေးရေးလေးသိလာလို့ ရေးမလားလို့ပြောကြည့်တာ။ ရေးရေးလေးပဲ သိတာဆိုတော့ ဖတ်တဲ့သူတွေအတွက် အသိမှားတွေ ဖြစ်သွားနိုင်ပါတယ်။ အမြည်း အနေနဲ့က lighting units တွေပေါ့ဗျာ။ candelas, Lumen , Footcandle , footlambert တွေရဲ့ defination တွေကို ရှင်းလင်းခြင်းပေါ့။

ကျွန်တော် light အကြောင်းမပြောခင်မှာ အသိမှားခဲ့တာလေးတွေက စပြောပါ့မယ်။ ဒီလိုပါ အရင်က ကျွန်တော်တို့ မီးထွန်းဖို့ဆို ဝပ်၄၀ မီးချောင်းတစ်ချောင်းတို့ ၆၀ ဝပ်မီးသီးတစ်လုံးတို့ဆိုပြီးပြောခဲ့ ဝယ်ခဲ့ကြတယ်… ရေးရေးလေးတော့စဉ်းစားကြည့်ဘူးတယ်။ ဥပမာ ဝပ်၆၀ ရှိတဲ့မီးသီးက ဝပ်၄၀ ၄ပေမီးချောင်းလောက် ဘာလို့ မလင်းတာမျိုးပေါ့နော်။ ကျွန်တော်လဲ design တွေ project တွေလုပ်ခဲ့တာမနည်းပါဘူး။ ဒီလိုပဲ အဲဒီအသိနဲ့လုပ်လာခဲ့တာ ကိုယ့်ကိုယ်ကိုရှက်လို့မဆုံးပါဘူး။ :( တစ်ကယ်က ဝပ် Watt ဆိုတာက သူ့ရဲ့ energy consume ပါ။ (This means the actual power consumed) lumen ကမှ light intensity အလင်းပမာဏ အလင်းပြင်းအားပါ။ ပုံမှန်အားဖြင့် Watt ၆၀ မီးသီးက ၈၅၀ lumen ထုတ်ပါတယ်။ Efficiency အနေနဲ့ ၁၆.၅ lumen/watt ပါ။ ဆိုလိုတာက ၁ watt ကို ၁၆.၅ lumen ထုတ်ပေးတော့ watt ၆၀ ဆိုတော့ ၈၅၀ lumen ပေါ့။ အဲ.. ၄၀ watt မီးချောင်း fluorescent lamp က Efficiency အနေနဲ့ ထုတ်လုပ်တဲ့ product ပေါ်မူတည်ပြီး ၄၀ lumen/watt ကနေ ၆၀ lumen/watt ကြားရှိတယ်လေ။ ဒါဆိုရင်တော့ လင်းတာ ဘာလို့ကွာရတယ် ဆိုတာသိပြီထင်ပါတယ်။

Question :
space နဲ့ lumen ချိန်ဆတဲ့အကြောင်းလေးလဲ သိချင်ပါတယ် ကိုပါပါ ရေ။ အဆောက်အဦးတစ်ခုမှာ ဘယ်လိုအခန်းမျိုးတွေအတွက် lumen ဘယ်လောက်ရှိသင့်တယ် ဆိုတာလေး။ Natural Lighting အနေနဲ့ lumen ဘယ်လောက်ရအောင် Lighting source တွေ ထားသင့်သလဲ ဆိုတာရယ် available light မရှိတဲ့အချိန်မှာ Lighting points တွေအတွက် တွက်ချက်နည်းလေးတွေရယ် နည်းနည်းလောက်ပြောပြပေးပါလား ?

Ans:
အဲဒီအဖြေက လွယ်မရောင်နဲ့တော်တော်ခက်တယ်ဗျ။ ကျွန်တော်လဲ စာတွေဖတ်ပြီး အဲဒီအဖြေတွေနောက်ကိုလိုက်တာ စိတ်ကြိုက်မဖြစ်ဘူး။ စာတွေထဲမှာက အဲဒီလိုအပ်မယ့် lumen ကို ပေးထားပြီး။ ဘယ်လို design လုပ်မလဲပဲပါတယ်။ ၂အုပ်၃အုပ်လောက်ကိုအဲဒီလိုပဲ။ ဘာလို့များအဲလိုပဲရေးနေတာလဲပေါ့ တွေးမိတယ်။ နောက်ဆုံး လွန်ခဲ့တဲ့ ၄ နှစ်လောက်က electrical engineer သူငယ်ချင်းတစ်ယောက်ပြောတဲ့ စကားလေးသတိရပြီး စပ်စပ်တွေးမိမှ ပြေလည်သွားတာပါ။ Architectural standard တွေမှာ စာကြည့်တိုက်ဆို ဘယ်လောက် lumen အိပ်ခန်းဆိုဘယ်လောက် စသဖြင့် code လေးတွေရှိခဲ့ပါတယ်။ ဒီလိုပါ ဥပမာ ၄ ပေ fluorescent မီးချောင်း T 8 ဆိုပါစို့။ အကြမ်းဖျင်း ၂၈၀ဝ-၃၀ဝ၀ lumen လောက်ရှိတယ်။ ဒါဆို ၁၀ပေ ၁၂ ပေအိပ်ခန်းလောက်ဆို ကောင်းကောင်းမြင်ရပြီ။ ok ထားပါ။ ၃၂၀ဝ lumen လောက် ပိုစိတ်ချရအောင်။ ခက်တာက ဒီခေတ်ကြီးမှာက မီးကို dramatic ဖြစ်အောင် ထွန်းတယ်လေ။ ဥပမာ အခန်းအလယ်မှာ အဖြူရောင်မီးဝိုင်းလေး။ နောက် ခုတင်ခေါင်းရင်း ဘယ်ညာတစ်ဘက်ဆီမှာ down light (spot lights)အသေး၂လုံး။ နောက် bed side table lamp လေးတွေနဲ့ဆိုရင် အဲဒီ lumen ကျော်သွားနိုင်တယ်။ ဒီခေတ်မှာ ဒါမျိုးပဲ သုံးမှာပဲလေ။ ဒါကြောင့် designer ရဲ့ ပေးချင်တဲ့ mode တွေပေါ်မူတည်ပြီး ရလာတဲ့ lights တွေရဲ့ lumen တွေနဲ့ design လုပ်ရတာပဲလို့ ကျွန်တော် သုံးသပ်မိပါတယ်။ အလင်းချိန်ဖို့အတွက်တော့ ကျွန်တော်ပြောခဲ့သလို အကြမ်းအားဖြင့် ၄ ပေချောင်း daylight က ၂၆၀ဝ နဲ့ ၃၂၀ဝ lumen ကြားမှန်းပြီး အဲဒီအလင်းပေါ်မူတည်ပြီး ချိန်ဆကြည့်နိုင်ပါတယ်။ light နဲ့ပတ်သတ်ပြီး အရင်ဆုံး အခြေခံသဘောလေးကိုမြင်ကြည့်ရအောင်နော်။ အလင်းရောင်ထုတ်ပေးတဲ့ အရာ နဲ့ သူရဲ့ တိုင်းတာတဲ့ unit။ နောက် အလင်း ထိခံရတဲ့နေရာ နဲ့ သူရဲ့ တိုင်းတာတဲ့ unit။ ပြီးရင် အလင်းပြန်လာပြီး ကျွန်တော်တို့ မျက်လုံးကို ရိုက်ခတ်ပြီး မြင်ကွင်းမှာ သဘာဝ လောကကြီးကို ပုံဖော်ပေးတဲ့ ပြန်လင်းတန်းတွေရဲ့ တိုင်းတာတဲ့ unit ရှိပါတယ်။ :) အရင်ဆုံးအလင်းထုတ်လွှတ်တဲ့ အကြောင်းလေးပြောမယ်နော်။
Light Source Quality(I) – သူကတော့ အလင်းထုတ်လွှတ်တဲ့ ပမာဏပါ။ သူ့ ကို candelas(cd) or candlepower(cp) တွေနဲ့ unit သတ်မှတ်ကြပါတယ်။

Flow of Light – Luminous flux(Lm) လို့ခေါ်တဲ့ အချိန်ပေါ်မူတည်ပြီး ထုတ်လွှတ်တဲ့ အလင်းပမာဏပါ။ (the time rate of flow of light). သူ့ကို lumen (Lm)unit နဲ့ ပမာဏသတ်မှတ်ပါတယ်။

Lumen lumen ဆိုတာကတော့ light source or point light source ဥပမာ ဖယောင်းတိုင် တစ်တိုင် ထွန်းလို့လင်းတဲ့အလင်းပေါ့။ အဲဒီဖယောင်းတိုင်ထွန်းတဲ့အခါ အလင်းတွေဟာ 360 degree ပတ်လည် sphere သဏ္ဍာန် အလင်းထုတ်လွှတ်တဲ့အခါ radius 1 ft unit ရှိတဲ့ sphere ရဲ့ မျက်နှာပြင်ဧရိယာ 1 sq ft( 1 X 1) ပေါ်မှာရှိတဲ့ ပမာဏကို 1 lumen လို့သတ်မှတ်ပါတယ်။ ကဲဒါဆို အလင်းအားကြောင့် ထိရိုက်ခံရတဲ့ area အကြောင်းဆက်မယ်နော်။

Incident Light or Illuminance (E) သူကတော့ အလင်းအားကြောင့် ထိရိုက်ခံရတဲ့ area ကခံစားရမယ့် အလင်းပမာဏဖြစ်ပြီး သူ့ကို footcandles(fc) or Lux (lx) units တွေနဲ့ သတ်မှတ်ပါတယ်။
1 footcandle = 1 lumen/square foot (1 lumen အလင်းအားကြောင့် 1 sq ft area မှာခံစားရတဲ့ အလင်းပမာဏ)
1 lm = 1 fc * 1 sf
1 lux = 1 lumen/square meter (1 lumen အလင်းအားကြောင့် 1 sq meter area မှာခံစားရတဲ့ အလင်းပမာဏ)
1 lm = 1 lx * 10.76 sf (3.3′ x 3.3′)
So ..1lm = 1 fc * 1 sf = 1 lx * 10.76 sf
1 fc = 10.76 lx ဒါလေးက fc နဲ့ lx ရဲ့ ဆက်စပ်ချက်ပါ။

နောက်ဆုံးကတော့ အလင်းအားကြောင့် ထိရိုက်ခံရတဲ့ area ကခံစားပြီး မျက်နှာပြင်က အလင်းပြန်လာတဲ့ အကြောင်းပေါ့နော်။

Reflected Light or Luminance (L)(or Exitance) – ဒါကမှ ကျွန်တော်တို့ မျက်လုံးမှာ သဘာဝလောကကြီးကို မြင်ရဖို့ အလင်းတွေထိရိုက်ပြီး အရာဝတ္တုတွေရဲ့ မျက်နှာပြင်က ပြန်လာတဲ့ အလင်းတွေရဲ့ ပမာဏကို ဖော်ပြပေးတာပါ။ သူ့ရဲ့ units တွေက တော့ cd/sq meter or cd/sq ft တွေဖြစ်ပြီး SI ရော Metric နှစ်မျိုးလုံးအတွက် foot Lambert လို့ လဲ သတ်မှတ်နိုင်ပါတယ်။

cd/sq m * 0.2919 = footLambert
cd/sq ft * 3.1416 = footLambert
footLambert * 3.4263 = cd/sq m
footLambert * 0.3183 = cd/sq ft ဒါတွေက units ဆက်ဆက်မှုလေးတွေပါ။
တွဲပါလာတဲ့ ပုံလေးနဲ့ ကြည့်လိုက်ရင် သဘောပေါက်မယ်ထင်ပါတယ်။

Lumen

Lumen

Light sources တွေမှာ point light source (မီးလုံး) , Linear light source (မီးချောင်း) , Area light source (ceiling plain light) လိုမျိုးအခြေခံအားဖြင့်ရှိပါတယ်။ ကျွန်တော်တို့ တွေ အသုံးပြုနေတဲ့ မြင်တွေ့နေရတဲ့ light source တွေရဲ့ သဘောသဘာဝလေးတွေ ရဲ့ အကြောင်းလေးတွေ အခြေခံအားဖြင့်သိဖို့လိုအပ်ပါမယ်။ ပထမဆုံးအနေနဲ့ Incandescent Light လို့ခေါ်တဲ့ အမျိုးအစားပါ။ ကျွန်တော်တို့ ပတ်ဝန်းကျင်မှာ ငယ်ငယ်လေးထဲက အသုံးများတဲ့ ရိုးရိုးမီးသီးတွေပါ။
1.Traditional Light Bulbs
2.Halogen Light Bulbs
3.Incandescent light Bulbs with incorporated reflector

Traditional Light Bulbs ကတော့ ပုံမှန်မီးသီးတွေပေါ့။ သူက သတ္တုစလေးကို အလုံပိတ်ဖန်လုံးထဲမှာ gas ထည့်ပြီး electric နဲ့ ဓာတ်ပြုပြီး heat energy နဲ့ light energy ထွက်လာပြီး အလင်းထွက်လာတာပါ။ကျွန်တော်တို့ သိတဲ့ 40 watt တွေဘာတွေက သူ့ရဲ့ စားသုံးတဲ့ ပမဏပါ။ သူ့ရဲ့ အားနည်းချက်ကတော့ အပူများပြီး ထုတ်လွက်တဲ့အလင်းနည်းတော့
သက်တမ်းမကြာဘူးပေါ့။ ဈေးတော့သက်သာ ပါတယ်။

Halogen Light Bulbs ကတော့ Traditional Light Bulbs နဲ့ အလားတူပြီး ကွာတာက gas ကို Halogen ထည့်တဲ့ အတွက် ပိုပြီးအလင်းထုတ်နိုင်ပြီး watt စားသုံးတာနည်းပြီး သက်တမ်းပိုကြာပါတယ်။ တစ်ခုပဲ မျက်နှာပြင် ကတော့ ပိုအပူများပါတယ်။ အကြည်မီးသီးတွေပေါ့။

Incandescent light Bulbs with incorporated reflector ကတော့ light fixture ကို အလင်းပြန်တဲ့ အရောင် coating လုပ်ပြီး direction control လုပ်ထားတာပါ။အလင်းပြန်မျက်နှာပြင်ပါတော့ စားသုံးမှုနည်းနည်းနဲ့ အလင်းများများရပြီး သက်တမ်းပိုကြာတာပါပဲ။ အောက်မှာ ပုံလေးကိုလဲ နမူနာကြည့်နိုင်ပါတယ်။

Incandescent

Incandescent

နောက်ထပ်က Fluorescent Lamps ပါ။ သူ့ကိုတော့ ပုံမတင်တော့ဘူးနော်။ လူတိုင်းလိုလိုသိကြမှာပါ။ သူကတော့ heat energy ပေါ်အခြေခံတာမဟုတ်ပါဘူး။ tub ထဲကို mercury vapor တွေထည့်ပြီး electric နဲ့ ဓာတ်ပြုပြီး ultraviolet light ( ultraviolet ဆိုတာ short-wave length ဖြစ်တဲ့အတွက် မျက်စေ့နဲ့မမြင်နိုင်ပါဘူး) ထွက်လာပြီး။ phosphors(မီးစုန်း)သုတ်ထားတဲ့ မီးချောင်းရဲ့ မျက်နှာပြင်ကိုဖြတ်ပြီး ကျွန်တော်တို့တွေမြင်နိုင်တဲ့ အလင်းတွေထုတ်ပေးပါတယ်။
သူကတော့ incandescent light တွေထက် အလင်းပိုထုတ်ပေးနိုင်ပြီး watt စားတာလဲနည်းပါတယ်။ သက်တမ်းလည်း ပိုကြာပါတယ်။ နာရီ ၉၀ဝ၀ နဲ့ ၂၀ဝ၀ဝ ကြားလောက်လို့ အကြမ်းဖျင်းမှတ်ထားလို့ရပါတယ်။

ဥပမာ F 48 T12 မီးချောင်းဆိုရင် ၄၀ watt စားပြီး 3150 lumen အထိထုတ်ပေးနိုင်ပါတယ်။ efficacy အနေနဲ့ဆို 79 lumen/watt လောက်ရှိပါတယ်။ အဲ F ဆိုတာက Fluorescent 48 က 48 လက်မ အရှည်၊ T ဆိုတာကtube shape၊ 12 ဆိုတာက 12/8 လက်မ(မီးချောင်းရဲ့ diameter)ပါ။ နောက် သူ့ရဲ့ color က warm white ,cool white ,day light စသဖြင့် များစွာရှိလို့ design လုပ်ရာမှာ အဆင်ပြေသလို သတိမထားမိရင်လဲ color match မဖြစ်ပဲ အဆင်မပြေပါဘူး။ နောက် သူ့ကို ခဏခဏ ဖွင့်လိုက်ပိတ်လိုက် များရင် သက်တမ်းတိုတတ်တယ်ဆိုတာ သတိထားသင့်ပါတယ်။ နောက် သူ့ကို dimmer လုပ်လို့မရပါဘူး။ ဘာလို့လဲတော့ မပြောတော့ဘူးနော်။ အဲဒီကိစ္စ detail သိချင်တယ်ဆိုရင် wiki မှာဖတ်ကြည့်ပါနော်။ နောက်ထပ်ရေးပေးမှာကတော့ compact Fluorescent Lamp ပါ။

CFL လို့ခေါ်တဲ့ compact fluorescent lamp ဆိုတာ ကျွန်တော်တို့ ပတ်ဝန်းကျင်မှာ အသုံးများလာတဲ့ အများအားဖြင့် မီးချောင်းကွေးလေးတွေ (energy saving lamp) တွေပါပဲ။ သူက fluorescent lamp type ပါပဲ..ဒါပေမယ့် energy စားသုံးအားနဲ့ အလင်းထုတ်တဲ့ lumen ပမာဏပိုများသလို သက်တမ်းအားဖြင့် ပိုကြာရှည်ခံပါတယ်။ သူ့ကို အဓိကက incandescent light တွေနေရာမှာ အစားထိုးဖို့ပါပဲ။ သူ့ရဲ့ efficiency က 60 to 72 lumens per watt ရှိပြီး life time က ၆၀ဝ၀ က နေ ၁၅၀ဝ၀ hours ရှိပါတယ်။ သူက incandescent light တွေထက်ဈေးပိုများပေမယ့် စားသုံးမှုနည်းပြီး သက်တမ်းကြာ အလင်းပိုပေးနိုင်လို့ မီတာခ သက်သာ အရေအတွက် နည်းနည်းနဲ့ အလင်းရ ခဏခဏ မလဲရတော့ ရေရှည် အတွက် များစွာ အဆင်ပြေပါတယ်။ သူ့ကို dimmer လုပ်ဖို့ အဆင်မပြေပါဘူး။ အဲလိုလုပ်ခြင်းအား ဖြင့် သက်တမ်းတို နိုင်သလို စိတ်ကြိုက်လဲ ချိန်လို့ အဆင်မပြေပါဘူး။ ကျွန်တော် ကိုယ်တိုင် မှားယွင်းစွာ အသုံးပြုခဲ့ ဖူးပါတယ်။ ဒါကြောင့် designer တစ်ယောက်ဟာ client ကို မှန်ကန်တဲ့ educate ပေးဖို့လိုအပ်တဲ့ အထဲမှာ အခု light နဲ့ပတ်သက်ပြီးတော့လဲ သတိချပ်ဖွယ်ပါပဲ။ အဲ CFL dimmer lamp တွေကိုလည်း ထုတ်ပါတယ်။ ဈေးကလည်း ပိုများပြီး။ သူ့ရဲ့ dimmer လုပ် နိုင်တဲ့ ပမာဏက 20% နဲ့ ၈၀ %ကြားမှာ ရှိတယ်လို့ လေ့လာဖူးပေမယ့် ကျွန်တော်ကိုယ်တိုင်လဲ မသုံးဖူးသေးပါဘူး။ နောက်တစ်ခုက သူ့ရဲ့ ရနိုင်တဲ့ color တွေက တော့ –

‘Warm white’ or ‘Soft white’ ≤ 3000 K
‘White’ or ‘Bright White’ 3500 K
‘Cool white’ 4000 K
‘Daylight’ ≥ 5000 K

နောက် အသုံးနည်းပေမယ့် သိသင့်တဲ့ color တွေနဲ့ အသုံးပြုတဲ့နေရာလေးတွေက –

* Red, green, orange, blue, and pink, primarily for novelty purposes
* Blue for phototherapy( အလင်းကုထုံး)
* Yellow, for outdoor lighting, because it does not attract insects
* Black light (UV light) for special effects

နောက်သိသင့်တဲ့ အချက်ကတော့ safety ပါ။ ဘယ်လို စွန့်ပစ်သင့်တယ် စသဖြင့်ပေါ့။ အဲဒီအပိုင်းကတော့ သပ်သပ်ဖြစ်သွားတဲ့ အတွက် အကြမ်းလောက်ပဲပြောပါ့မယ်။ ကျွမ်းသွားတဲ့အခါ သေသေချာချာ ပလတ်စတစ်နဲ့ ပတ်ထားပြီး သိမ်းထားသင့်ပါတယ်။ ဘာအတွက်လဲဆိုတော့ ကွဲသွားခဲ့ရင် ထွက်လာမယ့် mercury gas တွေက ကိုယ်ဝန်ဆောင် ကလေးနဲ့ ကလေးငယ်လေး တွေရဲ့ အာရုံကြောစနစ်ကိုထိခိုက်စေနိုင်လို့ပါ။ intro မှာ ကျန်နေတဲ့ light အမျိုးအစားတွေကတော့ HID လို့ အတိုကောက်ခေါ်တဲ့ High Intensity Discharge အမျိုးအစားတွေပါ။ အကြမ်းအားဖြင့် ( mercury light ,metal halide , High pressure sodium) စတဲ့ lights တွေပါပဲ။ သူတို့တွေကတော့ အစောပိုင်းက အဓိက အားဖြင့် အဝေးပြေးလမ်းမကြီးတွေ၊ နောက် side walk lighting တွေ၊ နောက် စက်ရုံအလုပ်ရုံကြီးတွေမှာ သုံးဖို့ ရည်ရွယ်ထုတ်ခဲ့ပေမယ့် ဒီနေ့ခတ်မှာတော့ သူတို့ရဲ့ တိုးတက်လာတဲ့ light ဖြာထွက်မှုပုံစံတွေ၊ နောက် အလင်းထိပြီး အရောင်ပြန်တဲ့အခါ object တွေရဲ့ color တွေပိုပြီး attraction ရှိစေတာတွေ စသဖြင့်ကြောင့် large commercial & publish interior /exterior space တွေ မှာပါသုံးလာကြပါတယ်။ အဓိကကတော့ သက်တမ်းကြာရှည်တယ် watt energy စားသုံးမှုသက်သာပြီး output ပါဝါတွေ အများကြီးကောင်းလာတာပါပဲ။ အဲမေ့လို့ ကားရှေ့မီးတွေမှာ လဲ သုံးတယ်ဗျ။ အစဉ်လိုက်ဆိုရင် mercury light၊ နောက်သူထက် ပိုပြီး ပါဝါစား သက်သာ၊ output ကောင်း၊ သက်တမ်းကြာတာက metal halide၊ နောက် High pressure sodium lamp တွေပါပဲ။ ဥပမာ High pressure sodium lamp တစ်ခုဟာ သက်တမ်း နာရီ 10000 ကနေ 20000 အထိ၊ နောက် ၇၅ watt ကနေ ၁၀ဝ၀ watt အထိ အမျိုးမျိုး ရနိုင်ပြီး သူ့ရဲ့ output u 1 watt ကို ၁၀ဝ နေ ၁၃၀ lumens အထိရှိတော့ ရိုးရိုး မီးလုံး မီးချောင်းတွေနဲ့ ယှဉ်သာ ကြည့်ပေတော့။ sodium light နဲ့ metal halide ထွန်းထားတဲ့ပုံလေးတွေပါတွဲတင်လိုက်ပါတယ်။ Smiley စကားချပ် – တစ်ခြားအမျိုးကွဲတွေရှိနိုင်ပါသေးတယ်။ ခြုံမိအောင် အကျဉ်းပြောသွားတာပါ။ ဥပမာ LED လိုမျိုးပေါ့။

Sodium Lights

Sodium Lights

Metal Halide

Metal Halide

Proudly powered by WordPress
Theme: Esquire by Matthew Buchanan.