Game Changer

Game Changer

Game Changer

I got this idea when I heard the usage “Game Changers” from Bloomberg’s program the first time. I tried tho mix traditional western style and a bit of Japanese manga.

Brute Force Vs Dictionary Attack

Brute Force vs Dictionary Attack

Brute Force vs Dictionary Attack

As usual, I sketched this on the back of a used paper, scanned it and cleaned it in photoshop. I noticed my drawing style was leaning to manga style. I thought it’s because I read a lot of Japanese manga lately. But I want to try old western comic color this time. So I carefully chose the color palette. And here’s the result. I found that the big guy got character of his own :P .

မီးမီးရဲ့ ဖေဖေ

ဖေဖေက မီးမီးကို ပုံပြောပြတယ်။ ပုံပြင်လေးကတော့ မီးမီးနဲ့ ဖေဖေ့အကြောင်း။ ဖေဖေက မီးမီးလေးကို ဘယ်လောက်ချစ်တယ်။ ဂရုစိုက်တယ်ဆိုတာတွေပေါ့။

UNICEF Workshop မှာ Child Development အတွက် ကလေးရောမိဘပါ ကြည့်လို့ရအောင် ဒီ Animation ကိုလုပ်တယ်။ မူရင်း ပုံပြင်စာအုပ်က ဇာတ်လမ်းကို အခြေခံယူပြီး Storyboard ဆွဲတယ်။ အစအဆုံး FlashMX ထဲမှာ ဆွဲတယ်။ အဲဒါကြောင့် လက်ရာတွေက ကြောင်ခြစ်ထားသလို နေတာ။ :D

မီးမီးလေးနေရာမှာ သိပ္ပံသူရဲကောင်းကားထဲက ညီမသေးသေးလေး ဆုစန္ဒီဦးကို ချော့ပြီးညာခိုင်းလိုက်တယ်။ သူက အဲတုန်းက လေးနှစ်သမီးပဲ ရှိဦးမယ်။ ဖေဖေ့နေရာမှာတော့ ဂူဂူးကို ပြောခိုင်းလိုက်တယ်။ ဆွဲတာ ပြန်ပြင်တာ စုစုပေါင်း တစ်ပတ်လောက်ကြာတယ်။

MiMi’s Dad from Lionslayer on Vimeo.

အနမ်းလက်ဆောင်

ကြောင်သားသားကလေးက ကျောင်းသွားရတော့မယ်။ ဒါပေမယ့် ကျောင်းမှာ ဘာတွေ ရှိမလဲ။ ဘယ်သူတွေနဲ့တွေ့မလဲ။ တွေးတွေးပြီးကြောက်နေတော့ ကျောင်းမသွားချင်တော့ဘူး။ မေမေကြောင်က သားလေးရင်ထဲမှာ ဘာတွေဖြစ်နေလဲဆိုတာ သိတယ်လေ။ ဒီတော့ သားလေးကို မွှေးမွှေးပေးပြီး ကျောင်းမှာ ရင်ဆိုင်ရမယ့် အခက်အခဲတွေအတွက် ခွန်အားတွေ ပေးလိုက်တာပေါ့။

ဒီ Animation ကိုလုပ်တော့ Version နှစ်မျိုးလုပ်ခဲ့ရလို့ တော်တော် အချိန်ကုန်ခဲ့တဲ့ ကားလေးပါ။ အသံကို မကြိုက်တာနဲ့ အရုပ်ကမြန်နေတာနဲ့ အရောင်က ရင့်နေတာနဲ့ …. စသည်ဖြင့် အကြိမ်ပေါင်းများစွာ ပြင်ခဲ့ရတာ။ သူ့ရဲ့ မူရင်းဇာတ်လမ်းက ကလေးပုံပြင်စာအုပ်လေးထဲက။ အဲဒါကို ကိုယ့်ဟာကိုယ် Storyboard ပြန်ဆွဲ Character ပြန်ဆောက်လိုက်တယ်။

Model, Animation တွေကို 3dsmax ထဲမှာပဲဆွဲတယ်။ Background ကို Photoshop နဲ့ ပွတ်ပြီး Textures တွေကို Bodypaint3D နဲ့ခြယ်တယ်။ အသံတွေကိုတော့ ကွန်ပျူတာမှာ မိုက်တပ်ပြီး ဒီတိုင်းပဲ သွင်းလိုက်တယ် (စတူဒီယိုဖိုး သက်သာတာပေါ့ :D )။ သားသားနေရာမှာ ပီးပီးလေးက သရုပ်ဆောင်တယ်။ မေမေကတော့ UNICEF က ဂျူလီယန်ဆိုတဲ့ အစ်မကြီး။ အစ်မအသံက နားထောင်လို့ကောင်းတယ်ဆိုပြီး ရုံးရောက်တုန်း Dialog တွေ ဖတ်ခိုင်းပြီး အသံသွင်းထားလိုက်တာ။ Animation တွေလုပ်တော့ ပုံမှန် Speed နဲ့ Play တော့ မြန်နေတယ်ဆိုပြီးပြောတယ်။ ဘာလို့လဲဆိုတော့ ဒီကားလေးက မေတ္တာနဲ့ လွှမ်းခြုံနေရမှာမို့လို့ အကုန်လုံးက နူးညံ့ငြင်သာသိမ်မွေ့ရမယ်ဆိုပဲ။ ဒါနဲ့ Frame Rate တွေ လိုက်လျှော့လိုက်တာပေါ့ :D ။

“သူငယ်ချင်းတို့လည်း အားငယ်စိတ်တွေဝင်လာရင် အနမ်းလက်ဆောင်ကို စမ်းသုံးကြည့်ပါလား။”

Kissing Present from Lionslayer on Vimeo.

1234 တစ်နှစ်သုံးလေး

“စာမတတ်သေးတဲ့ သုံးလေးနှစ်ရွယ် ကလေးလေးတွေ ကြည့်ပြီး အနည်းဆုံး ကိန်းဂဏန်း ရေတတ်သွားအောင် သင်ပေးနိုင်တဲ့၊ သင်နေတယ်လို့လည်း မခံစားရစေတဲ့ Animation တစ်ခုလုပ်ရမယ်။”

အဲဒီစကား အကြားမှာ အီလည်လည်ဖြစ်သွားတဲ့ ကျွန်တော့မျက်နှာ မြင်ယောင်သာ ကြည့်ပါတော့။ ကတိက ပေးပြီးသားဆိုတော့ မလုပ်လို့လည်း မဖြစ်။ အချိန်ကလည်း ကပ်နေပြီ။ အကြိတ်အနယ် ခေါင်းချင်းဆိုင် ဆွေးနွေးကြပြီးတဲ့နောက် သီချင်းနဲ့ ဇာတ်လမ်းကို အိုင်ဒီယာရသွားတယ်။ သမီးလေးနဲ့ အဖေကြီး လမ်းလျှောက်ထွက်လာရင်း လမ်းတစ်လျှောက်တွေ့တဲ့ နေ့စဉ်မြင်နေကျ အကောင်တွေ အသီးတွေရဲ့ အရေအတွက်ကို သမီးလေးကို သင်ပေးမယ်ပေါ့။

သီချင်းကို အားရပါးရလည်းစပ်ပြီးရော နံပါတ်ရှစ်ပြီး ကိုးမလာတော့ဘူး။ ဟာ ဘယ်လိုလုပ်ကြမလဲ။ သံစဉ်နဲ့ စာသားနဲ့လည်းကွက်တိ။ ဘယ်လိုမှ ထိုးထည့်လို့ မရတော့ဘူး။ အချိန်ကလည်းကပ်နေပြီ။ အဲဒီမှာ လူကြီးတစ်ယောက်က ထပြောတယ်။ ရပါတယ် ရှစ်လောက်ထိ သိလည်း ဆိုးပါဘူးတဲ့။ အဲဒါနဲ့ပဲ… ။

တေးရေးက လမင်း။ တေးဆိုက အဖေနေရာမှာ ကိုမင်းမင်း။ သမီးလေးနေရာမှာ ခင်လပြည့်ဝန်းဆိုတဲ့ ကလေးမလေးထင်တယ်။ Animator and everything else ကတော့ ကျွန်တော်။

နီးစပ်ရာလူဆီက မေးပေတော့… ရှစ်ပြီးရင် ဘာလဲ။ :D

1234 from Lionslayer on Vimeo.

တစ်ကောင်တည်း ဒါပေမယ့် “ဝက်”

WK 3D Model

WK 3D Model

ဘယ်အရွယ်က စပြီး ကျွန်တော်ပုံဆွဲဝါသနာပါခဲ့လဲ မသိပေမယ့် မှတ်မိသမျှတော့ သုံးလေးနှစ်ကတည်းက ကြောင်ခြစ်ကြွက်ခြစ် စခြစ်နေပြီ။ ပုံရေးတာနဲ့ စာဖတ်တာ အဲဒီကတည်းက တောက်လျှောက် သဲသဲမဲမဲ လုပ်ခဲ့တာပဲ။

သုံးတန်းမှာ မူးယစ်ဆေးဝါးဆန့်ကျင်ရေးနေ့ ပန်းချီပြိုင်ပွဲဝင်တော့ ဆရာမက အားပေးတယ်။

“သားလေး စိတ်ထဲရှိတာသာ ဆွဲလိုက်” တဲ့။

အဲဒါနဲ့ ကိုရင်နှစ်ပါး ဆွမ်းခံကြွတဲ့ပုံ ဆွဲလိုက်တာ ကျောင်းအဆင့်မှာတင် ပြုတ်ပါရောလား။ (ဒိုင်လူကြီးတွေကို Piano Forest ပေးကြည့်ရမယ်။)

သုံးတန်းမှာတင် ကာတွန်းဇာတ်ကောင်လေးတွေနဲ့ ဇာတ်လမ်းတွေ စရေးပြီ။ ပထမဆုံး ရေးတဲ့ ဇာတ်ကောင်တွေက ကြွက်ငပေါ၊ အီးတီ၊ ဝက်ကြီး။ စရေးတော့ ဘိုဘို၊ အီးတီ၊ ဖက်တီး ရယ် မူရင်း နိုဘိတ၊ ဒိုရာအဲမွန်၊ ဂျအိအန်း ရယ်တို့ကို ကာရိုက်တာယူပြီးဆွဲတာ။ ဆွဲပြီးတော့ ကာတွန်းတွေကို သူငယ်ချင်းတွေကို ပေးဖတ်။ (ဝေဖန်ရင်တော့ ဆွဲထိုးပစ်မယ်ဆိုပြီး :D။)

Big Bad Pig

Big Bad Pig

ဆွဲရင်းဆွဲရင်းနဲ့ နောက်တော့ ဝက်ကြီးကိုဆွဲရတာ တော်တော် အားရလာတယ်။ သူ့ကာရိုက်တာက မူရင်း မှန်းထားတာထက် ပိုထူးခြားလာတယ်။ သူက အနိုင်ကျင့်တတ်တယ်။ ရိုင်းတယ်။ အလိုက်မသိဘူး။ တွေ့သမျှ ကြုံသမျှ ဟာသလုပ်ပစ်ဖို့ပဲ စိတ်ကူးတယ်။ သူ့ကို အလေးအနက်ထား ဆွေးနွေးခိုင်းလို့ မရဘူး။ ဒါပေမယ့် သူက ဂျိုကာဖြစ်တယ်။ ဇာတ်လမ်းရဲ့ အလှည့်အပြောင်းကို ဆုံးဖြတ်ပေးနိုင်တဲ့ ဇာတ်ကောင် ဖြစ်လာတယ်။ သမားရိုးကျ မဟုတ်တဲ့ ဇာတ်လိုက်ဘက်ကို တဖြည်းဖြည်း ရွေ့လာတယ်။ သူက သမားရိုးကျ ဇာတ်လမ်းတွေမှာ ဗီလိန် ဖြစ်ကောင်းဖြစ်မယ်။ ကမ္ဘာကြီး အန္တရာယ်ဖြစ်မယ့်အရေးမှာတော့ သူဟာ ကယ်တင်ရှင်ဖြစ်တယ်။

သူ့ရဲ့ လက်စွဲဆောင်ပုဒ်ကတော့

“တစ်ကောင်တည်း ဒါပေမယ့် ဝက်”။

KyaKyan By APK. Sayar APK got inspiration of "Only one, but PIG" dialog from my "Jet Flyer" story.

Sayar APK got inspiration of "Only one, but PIG" dialog from my "Jet Flyer" story.

Proudly powered by WordPress
Theme: Esquire by Matthew Buchanan.