လက်ဆေးကြစို့


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1222

2005 က ကျနော့်သူငယ်ချင်း ဂူဂူးအဖေ ဆက်ပေးလိုက်တာ ကျွန်တော်လည်း UNICEF Workshop တစ်ခုမှာ Media လောကသားတစ်ယောက်အဖြစ်နဲ့ လူကြီးလူကောင်း ပေါက်စန သွားလုပ်ခဲ့တယ်။ အင်း နည်းနည်းကြာပြီဆိုတော့ ဘူဖေးနဲ့ လက်ဖက်ရည်လောက်ပဲ မှတ်မိတော့တယ် :D ။

အကြောင်းအရာက အရွယ်မရောက်သေးတဲ့ ( ငါးနှစ်အောက်) ကလေးတွေကို ပညာပေးဖို့။ ဆရာကြီးပုံစံနဲ့ ပြောပြနေတာလည်းမဖြစ်ရဘူး။ ပျင်းစရာလည်းမကောင်းရဘူး။ ကလေးတွေလည်း လိုလိုချင်ချင်နဲ့ ကြည့်ရင်း၊ ဖတ်ရင်း၊ နားထောင်ရင်း တစ်ခုခု ပညာရပြီးသား ဖြစ်ရမယ်။ ကလေးတွေအတွက်ဖြစ်တဲ့အတွက် ကလေးလိုတွေးရမယ်။ မိမိလက်ရှိ လူကြီးလူကောင်းဦးထုပ်တွေ၊ ငါဘယ်သူဘယ်ဝါ၊ ဘာကောင် စတဲ့ ဦးထုပ်တွေကို ချွတ်ထားခဲ့ရမယ်လို့ Workshop ကို ကမကထလုပ်သူ ဂျာမန်သူ ပရော်ဖက်ဆာ ဘာဘရာက ပြောပါတယ်။ မှတ်မိသလောက် အဲဒီကို ဆရာ အော်ပီကျယ် (APK) ၊ ဆရာအတ္တကျော်( ATK) ၊ ဆရာမ ဂျူးတို့လည်း လာကြတယ်ထင်တယ်။

ATK နဲ့ APK ပါလို့သာ ပွဲစည်တယ် ပြောရမယ်၊ အချိန်အများစုမှာ ဘာဘရာပြောသမျှနားထောင်လိုက်၊ Group Activities လေးတွေ လုပ်လိုက်နဲ့ ဟုတ်နေကြတာပဲ။ Workshop စလို့ တစ်ရက်နှစ်ရက်မှာပဲ ဝပ်ရှော့အပြီးမှာ Product တစ်ခုခု ထွက်ရမယ်ဆိုပြီး ဘာဘရာက ဖိအားပေးတယ်။ ကျန်တဲ့လူတွေတော့ ဘယ်လိုနေတယ်မသိ၊ Animator လုပ်နေတဲ့ ကျွန်တော်ကတော့ မျက်လုံးပြူး မျက်ဆံပြူး ဖြစ်ရတယ်။ ဒါနဲ့ မဖြစ်ချေဘူးဆိုပြီး နေ့မအိပ်ညမအိပ် နှစ်ရက်လောက် ကွန်ပျူတာရှေ့ထိုင်လိုက်တော့မှ တစ်မိနစ်ခွဲစာ Animation လေးတစ်ခု ဖျစ်ဖျစ်မြည်အောင် ထွက်လာတယ်။ သူငယ်ချင်းကြီး ဂူဂူးကလည်း အားကိုးရသလားတော့ မမေးနဲ့။ ဘေးနားက ကာတွန်းစာအုပ်လေးဖတ်လိုက်၊ ဂျာနယ်လေးဖတ်လိုက်နဲ့ အင်မတန် အကူအညီ ရရှာပါတယ်။ ( :D အမှန်တော့ မီးမလာလို့ သူတို့အိမ် ညအိပ်ညနေ သွားလုပ်တာ။ အဲဒီကပဲ မနက်စာညစာ ပါးဖြဲနားဖြဲ စားလာတာ။)

ကျွန်တော်တို့ လုပ်ဖို့ ရွေးချယ်တော့ လက်ဆေးတဲ့ အကြောင်းအရာကို လုပ်ဖို့ ဝိုင်း သဘောတူတြတယ်။ နောက်ခံသီချင်းကိုတော့ ကိုမင်းမင်းရေးပေးတာ။ ကျွန်တော်တို့အဖွဲ့မှာ အဆိုအတီး သူတစ်ယောက်ပဲ ကောင်းကောင်းပါတာဆိုတော့ ဘေးနားကနေ နှုတ် (-) ဖြင့် မြှောက်စား (x÷) ပြီး သွားပေါင်း(+)လိုက်တာ သီချင်းတစ်ပုဒ် ရလာတယ်။ အဲဒါကို ညာတာပါတေးနဲ့တခြားအဖွဲံမှာပါနေတဲ့ ဂီတမိတ်က ကိုကျော်ကျော်နဲ့ ကိုကျော်စွာထွန်းတို့ကို တီးခိုင်းပြီး ဂီတမိတ်က ဟေမာန်မင်းဇော် ကပဲဆိုပေးတာ ။

ဝပ်ရှော့နောက်ဆုံးနေ့မှာ ကိုယ်လုပ်ထားတဲ့ Product လေးတွေ ပြကြတော့ တချို့က သရုပ်ဖော်ကာတွန်း၊ တစ်ချို့က ဗီဒီယို ဇာတ်လမ်း၊ တစ်ချို့က သီချင်း၊ ကျွန်တော်တို့က Animation ပြကြတယ်။ အဲဒီနေ့မှ ဝေဖန်ကြ ၊ ချီးကျူးကြနဲ့ တော်တော် လေးပျော်စရာကောင်းပါတယ်။ APK ကလည်းပြောပါတယ် ပုံမှန်ဆိုရင် သုံးလလောက် အီလေးဆွဲပြီး လုပ်ရမယ့်အလုပ်ကို ဒီလို နှစ်ရက်သုံးရက်နဲ့ ရအောင်လုပ်နိုင်ခဲ့ကြတာဟာ Motivation ဟာ အဓိကနေရာကပါကြောင်းပါတဲ့။

နောက်ပိုင်း ဒီ Animation လေးကို မိဘမဲ့ကလေးများကျောင်းမှာပြတော့ ကြိုက်ကြလို့ အကြိမ်ပေါင်းများစွာ ကြည့်ကြပါသတဲ့။ လက်ဆေးလိုက်ကြသဟာလည်း တဗွမ်းဗွမ်းနဲ့ ဗွက်ပေါက်ပါကရောတဲ့။ နောက် Workshop တစ်ခုမှာ အဲဒီကျောင်းက ဆရာမတစ်ယောက်က ပြန်ပြောပြပါတယ်။ အဲဒါမျိုးကြားရရင် ကျွန်တော်လည်း ခံနိုင်ရည် သိပ်မရှိဘူး၊ ပါးစပ် နားရွက် တက်ချိတ်နေတာ။ :P

Let’s wash our hands from Lionslayer on Vimeo.

ဆက်စပ်ရာ Posts များ

Leave a Reply

Your email address will not be published. Required fields are marked *


*

Proudly powered by WordPress
Theme: Esquire by Matthew Buchanan.