Grass-O-matic


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1222
Grass Field by Grass-O-matic

Grass Field by Grass-O-matic

3D Scene အတွက် မြက်ခင်းလုပ်မယ်ကြံတော့ ရုတ်တရက် ခေါင်းစားသွားပါတယ်။ ခပ်ဝေးဝေးကဆိုရင် မြက် Texture ကိုပေး၊ Bump ထည့်လိုက်ရုံနဲ့ ရပါပြီ။ မနီးမဝေးဆိုလည်း Displacement map လောက်သုံးရင် ရုပ်လုံးကြွပါတယ်။ အသေးစိတ်ပြထားရင်တော့ 3D Model အစစ်ကို သုံးမှပဲ ရပါတော့မယ်။

ပုံမှန် Scanline Rendering နဲ့ဆို Max မှာပါတဲ့ Hair and Fur ကို ကောက်သုံးလိုက်ရင်ရတယ်။ ဒါပေမယ့် Vray မှာ Hair and Fur ကို အရိပ်ကျပုံ မှန်အောင် Render လုပ်မရဘူး။ အဲဒါနဲ့ Plugin ကောင်းကောင်းတွေ အလကားရလေ့ရှိတဲ့ www.maxplugins.de ကိုသွားဖွလိုက်တော့ Grass-O-matic ဆိုတဲ့ plugin အသေးလေးတစ်ခု တွေ့တယ်။

စမ်းကြည့်တော့ တော်ရုံတန်ရုံမကအောင် ကောင်းတဲ့ plugin ဖြစ်တာကို တွေ့တယ်။ မြေမျက်နှာသွင်ပြင်၊ မြက်ရဲ့ အထူ အကွေး အဖျား၊ လေတိုက်နှုန်း စတာတွေထိ အသေးစိတ် ဝင်ညှိလို့ ရတာကိုတွေ့တယ်။ မြက်ပင်များများ လိုရင်တော့ 3D memory ကို ခြွေတာတဲ့အနေနဲ့ % of Blades မှာ ရာခိုင်နှုန်း လျှော့ချပေးဖို့တော့ လိုပါလိမ့်မယ်။ Animation မလိုဘူးဆိုရင်တော့ 3D object ကို Vray mesh export နဲ့ export ထုတ်ပြီး Vray proxy နဲ့ ပြန်သုံးလို့ ရပါတယ်။

Download here.

Animal Farm


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1222
Manor Farm

Manor Farm

၁​၉​၄​၅ မှာ​ဂျော့(ချ်)အော်​ဝဲ (George Orwell) ရေး​ခဲ့​တဲ့ Animal Farm ကို Animation ရုပ်​ရှင် ပြန်​လုပ်​ထား​တဲ့ ၁​၉​၅​၄ က ရုပ်​ရှင်​အဟောင်း​လေး ပြန်​ကြည့်​ဖြစ်​တယ်။ အရင်​တုန်း​က မြန်မာ​မှာ အချင်းချင်း လက်သိပ်ထိုး​ကြည့်​ရ​တဲ့ ဇာတ်​လမ်း​ဖြစ်​တယ် ဆို​ပါ​တယ်။ အခု ပြန်​ကြည့်​တော့​လည်း ဇာတ်​လမ်း​က အသစ်​လို​ပါ​ပဲ။

အော်​ဝဲ​ဟာ စာအုပ်​အနည်းငယ်​နဲ့ အက်​ဆေး​အချို့​ကို​သာ ရေး​ခဲ့​ပေ​မယ့် သူ့​စာ အများ​စု​ဟာ ပြော​စမှတ်​တွင်​လောက်​အောင် သမိုင်း​မှာ ကျန်​ရစ်​ခဲ့​တဲ့ စာ​တွေ ဖြစ်​တယ်။ ၁​၉​၄​၃ မှာ အော်​ဝဲ​ရဲ့ အမေ​ဆုံး​တော့ သူ Animal Farm ကို စ​ရေး​ပြီး ၁​၉​၄​၄ မှာ​တော့ ထုတ်​ဝေ​ဖို့ အသင့် ဖြစ်​နေ​ခဲ့​ပါ​ပြီ။ သူ့​စာ​ဟာ ၁​၉​၁​၇ ရှ​ရှားတော်​လှန်​ရေး​ကို သရော်​ထား​တာ ဖြစ်​တဲ့​အတွက် အင်္ဂလန်​ရဲ့ စစ်​တွင်း မဟာမိတ်​ဖြစ်​ခဲ့​တဲ့ ဆိုဗီယက်​အငြို​အငြင် မ​ခံ​လို​ကြ​တာ​နဲ့ ဘယ်​သူ​မှ သူ့​စာအုပ်​ကို မ​ထုတ်​ရဲ​ကြ​ပါ။ နောက်ဆုံး​မှာ​တော့ Secker and Warburg က​နေ သူ့​စာအုပ်​ကို ၁​၉​၄​၅ သြ​ဂုတ်​မှာ ထုတ်​ခဲ့​ပါ​တယ်။ ထုတ်​ဝေ​ပြီး မ​ကြာ​မီ​ပဲ ကမ္ဘာ​နဲ့​အဝှမ်း အငြင်း​ပွား​ဖွယ် အဖြစ်​ဆုံး စာ​တစ်​အုပ် ဖြစ်​ခဲ့​ပါ​တယ်။ Animal Farm ကို ၂​၀ ရာ​စု​ရဲ့ ကမ္ဘာ့​အကောင်း​ဆုံး စာ​တစ်​အုပ်​အဖြစ် အသင်း​အဖွဲ့ အများ​အပြား​က သတ်​မှတ်​ကြ​ပါ​တယ်။

သူ​ဟာ ဒီ​မို​က​ရက်​တစ် ဆို​ရှယ်​လစ်​တစ်​ယောက်​ဖြစ်​တဲ့​အတွက် စ​တာ​လင်​ရဲ့ တော်​လှန်​ရေး​အပေါ် သစ္စာ​ပျက်​မှု​ကို ရွံ​မုန်း​ခဲ့​တယ်။ ဒီ​ဇာတ်​လမ်း​ရဲ့ ရည်​ရွယ်​ချက်​က အာဏာ​ခြ​စား​မှု​နဲ့ သမိုင်း​ဘီး တစ်​ပတ်​ပြန်လည်​တတ်​တဲ့ တော်​လှန်​ရေး​တွေ​ကို မီး​မောင်း​ထိုး​ပြ​လိုရင်း ဖြစ်​တယ်။

အနောက်​တိုင်း​ဓလေ့​အရ Farm ဆို​တာ ကြက်၊ ဝက်၊ ဘဲ၊ နွား ၊ မြင်း စ​တာ​တွေ အစုံ​မွေး​တယ်။ လယ်ယာ​အလုပ်​လည်း​လုပ်​တယ်။ မြန်မာ​လို နီးစပ်​အောင်​ပြန်​ရင်​တော့ စိုက်ပျိုး​မွေး​မြူ​ရေး ခြံ​ပေါ့။ အဲ​လို မန်​နာ (Manor) အမည်​ရှိ​တဲ့​သာမန်​ခြံ​လေး​အတွင်း​မှာ  မစ္စတာ​ဂျုန်း (Mr. Jones) ဟာ တိရစ္ဆာန်​တွေ​ကို ဖိ​နှိပ်​စေခိုင်း​ပြီး အမြတ်အစွန်း ရ​နေ​ပါ​တယ်။ တစ်​ည​မှာ​တော့ တိရစ္ဆာန်​အပေါင်း​ဟာ တင်းကုပ်​ကြီး (Big Barn) အတွင်း​မှာ​စည်းဝေး​ကြ​ပါ​တယ်။ Old Major ဆို​တဲ့ ပညာရှိ ဝက်​အို​ကြီး​က လူ​သား​တွေ​ဟာ သူ​တို့​ရဲ့ အကြီး​မား​ဆုံး ရန်သူ​ဖြစ်​တယ်။ ဒါ​ကြောင့် သူ​တို့​ကို တော်​လှန်​တိုက်ခိုက်​ပြီး ဖြုတ်​ချ​ပစ်​ရ​မယ်​လို့ သြ​ဝါဒ ပေး​ပါ​တယ်။ တိရစ္ဆာန်​အားလုံး​ဟာ အင်္ဂ​လန့်​သားရဲ (Beasts of England) ဆို​တဲ့ လွတ်လပ်​ရေး​သီချင်း​ကို ပြိုင်​တူ သီ​ဆို​ကြ​ပြီး သီချင်း​ရဲ့ အဆုံး​မှာ Old Major သေ​ပါ​တယ်။ အဲ​ဒီ​အချိန်​မှာ မိုး​ဇက် (Moses) ဆို​တဲ့ ကျီးကန်း ခေါင်​မိုး​မှာ နား​နေ​တာ​ကို ပြ​ပါ​တယ်။ ဒီ​ကား​ထဲ​မှာ​တော့ သူ​ဟာ သေ​ခြင်း​ရဲ့ နိမိတ်​ပုံ​ပါ။

တိရစ္ဆာန်​တွေ​ဟာ စနိုး​ဘော (Snowball)၊ န​ပို​လီ​ယန် (Napoleon) နဲ့ စ​ကွယ်​လာ (Squealer) ဆို​တဲ့ ဝက်​သုံး​ကောင်​ရဲ့ ဦးဆောင်​မှု​နဲ့ တော်​လှန်​ရေး​အတွက် ပြင်ဆင်​ကြ​ပါ​တယ်။ တစ်​ည မစ္စတာ​ဂျုန်း အရက်မူး​နေ​တုန်း​မှာ တိရစ္ဆာန်​တွေ​ဟာ အခွင့်​ကောင်း​ယူ​ပြီး မစ္စတာ​ဂျုန်း​နဲ့ မိသား​စု​ကို ခြံ​ထဲ​က တိုက်ခိုက် မောင်း​ထုတ်ပစ်​ပါ​တယ်။ ဝတ္ထု​မှာ​ပါ​တဲ့ အရေး​မ​ပါ​တဲ့ ဇာတ်​ကောင်​အချို့​ကို ရုပ်​ရှင်​မှာ ဖျောက်​ထား​ပါ​တယ်။

Beasts of England

Beasts of England

တိရစ္ဆာန်​တွေ​ဟာ သူ​တို့​ရဲ့ ကျ​ဆုံး​သွား​တဲ့​ရဲဘော်​တွေ​ကို မီး​သင်္ဂြိုဟ်​ပြီး အင်္ဂ​လန့်​သားရဲ​သီချင်း​နဲ့ ဂုဏ်​ပြု​ကြ​ပါ​တယ်။ အဲ​ဒီ​နောက်​မှာ​တော့ သူ​တို့​ခြံ​ကို Animal Farm ရယ်​လို့ သမုတ်​ပြီး တင်းကုပ်​ကြီး​ရဲ့ နံရံ​မှာ သန္နိဋ္ဌာန် (၇) ချက်​ကို ရေး​ပါ​တယ်။

၁။ ခြေ​နှစ်​ချောင်း​ထက် မတ်​တပ်​ရပ်​သူ​သည် ရန်သူ​ဖြစ်​သည်။

အဲ​ဒီ​မှာ ဘဲ​တွေ ကြက်​တွေ​က အတွန့်​တက်​ကြ​လို့​ထပ်​ဖြည့်​ပါ​တယ်။

၂။ ခြေ​လေး​ချောင်း​ရှိ​သူ​နှင့် အတောင်​ရှိ​သူ​များ​သည် မိတ်ဆွေ​ဖြစ်​သည်။

၃။ မည်​သည့်​တိရစ္ဆာန်​မှ အဝတ်​မ​ဝတ်​ရ။

၄။ မည်​သည့်​တိရစ္ဆာန်​မှ ကု​တင်​ထက်​တွင် မ​အိပ်​ရ။

၅။ မည်​သည့်​တိရစ္ဆာန်​မှ အရက်​မ​သောက်​ရ။

၆။ မည်​သည့်​တိရစ္ဆာန်​မှ အခြား​တိရစ္ဆာန်​ကို မ​သတ်​ဖြတ်​ရ။

၇။ တိရစ္ဆာန်​အားလုံး​သည် တူညီ​ကြ​သည်။

Writing 7 commandments

Writing 7 commandments

တိရစ္ဆာန်​တွေ​ဟာ သင့်တော်​ရာ​တာဝန်​တွေ​ယူ​ကြ​ပြီး လယ်လုပ်​ငန်း​တွေ​ကို ဆက်လက်​လုပ်ကိုင်​ကြ​ပါ​တယ်။ သီး​နှံ​တွေ​ကို အောင်မြင်​စွာ ရိတ်​သိမ်း​ပြီး​နောက် မိမိ​တို့​ရဲ့ ဝေစု အများ​အပြား​ကို​လည်း ရ​ကြ​တယ်။ ဝက်​တွေ​ဟာ ဉာဏ်​ရည် အမြင့်​ဆုံး​ဖြစ်​ကြ​တဲ့​အတွက် အကြံ​ဉာဏ်​နဲ့ ဆုံးဖြတ်ချက်​တွေ​ကို သူ​တို့​က​ပဲ ဦးဆောင်​ပြီး ချ​မှတ်​ကြ​တယ်။ အဓိက ဦးဆောင်​သူ​ကတော့ စနိုး​ဘော​ဖြစ်​တယ်။ ဉာဏ်​ရည်​နိမ့်​တဲ့ တိရစ္ဆာန်​အများ​စု​ဟာ သန္နိဋ္ဌာန် (၇) ချက်​ကို မှတ်မိ​ဖို့ ခဲယဉ်း​ကြ​တဲ့​အတွက် စနိုး​ဘော​က ဒီ​လို​အတိုကောက် သံပေါက်​လေး လုပ်​ပေး​ပါ​တယ်။

“ခြေ​လေး​ချောင်း ကောင်း၊ ခြေ​နှစ်​ချောင်း ဆိုး။”

အချိန်​တွေ​ကြာ​လာ​တာ​နဲ့​အမျှ ဝက်​တွေ​ရဲ့ အရး​ပါ​မှု​က ကြီး​လာ​ပါ​တယ်။ တစ်​ချိန်​တည်း​မှာ န​ပို​လီ​ယန်​ဟာ ခွေး​ပေါက်​လေး ကိုး​ကောင်​ကို တိတ်တဆိတ် မွေး​မြူ​လေ့ကျင့်​ပေး​နေ​ပါ​တယ်။ မစ္စတာ​ဂျုန်း​ဟာ တခြား​လယ်သမား​တွေ​အကူအညီ​နဲ့ ခြံ​ကို ပြန်လည်​သိမ်းပိုက်​ဖို့ လာ​ခဲ့​ပေ​မယ့် ဝက်​တွေ​က အောင်မြင်​စွာ​တွန်း​လှန်​နိုင်​ခဲ့​ပါ​တယ်။ တိရစ္ဆာန်​တွေ​က နွား​တင်းကုပ်​တိုက်​ပွဲ (The Battle of the Cowshed) ရယ်​လို့ သမုတ်​ပြီး အောင်ပွဲ​ခံ​ကြ​ပါ​တယ်။

စနိုး​ဘော​ဟာ တိရစ္ဆာန်​တွေ အလုပ်​ချိန်​သက်သာ​စေ​ဖို့​နဲ့ လျှပ်စစ်မီး​ရ​ရှိ​စေ​ဖို့ စီမံ​ကိန်း​တစ်​ခု​ကို ရေး​ဆွဲ​ပြီး တိရစ္ဆာန်​တွေ​ကို တင်ပြ​ပါ​တယ်။ လတ်​တ​လော စီမံ​ကိန်း​အတွင်း​မှာ​တော့ တိရစ္ဆာန်​အားလုံး ပင်ပန်း​ကြ​ရ​မှာ​ဖြစ်​ပါ​တယ်။ ကန့်ကွက်​သူ​န​ပို​လီ​ယန်​နဲ့ အပြင်း​အထန် အငြင်း​ပွား​ကြ​ပြီး နောက်ဆုံး​မှာ န​ပို​လီ​ယန်​က သူ့​ရဲ့ ခါးပိုက်​ဆောင် ခွေး​တပ်ဖွဲ့​ကို​လွှတ်​ပြီး စနိုး​ဘော​ကို မောင်း​ထုတ်​ခိုင်းလိုက်​ပါ​တယ်။ (ရုပ်​ရှင်​ထဲ​မှာ စနိုး​ဘော သေ​ပါ​တယ်။)

နွေ​ဦး​မှာ​တော့ န​ပို​လီ​ယန်​ဟာ လေ​ရဟတ်​စက်​ရုံ (Windmill) တည်ဆောက်​ရေး စီမံ​ကိန်း​ကို ချ​မှတ်​ပါ​တယ်။ မူလ​က စနိုး​ဘော ရေး​ဆွဲ​ခဲ့​တာ ဖြစ်​ပေ​မယ့် သူ​က သူ​ရေး​ဆွဲ​သ​ယောင် ပြော​ပါ​တယ်။ အဲ​ဒီ​နည်း​နဲ့ သမိုင်း​ကို ပြန်​ရေး​ပါ​တယ်။ လေ​ရဟတ်​တည်ဆောက်​ရေး​အတွင်း​မှာ တိရစ္ဆာန်​တွေ​ဟာ တနင်္ဂနွေ​ပါ အချိန်​ပို ဆင်း​ရ​ပါ​တယ်။ အစားအစာ​ခွဲ​တမ်း​လည်း လျော့​ရ​ကြ​ပါ​တယ်။ ဝက်​တွေ​ဟာ မစ္စတာ​ဂျုန်း​ရဲ့ အိမ်​ထဲ​မှာ ဝင်​နေ​ကြ​ပါ​တော့​တယ်။ န​ပို​လီ​ယန်​ဟာ သူ​လိုချင်​တဲ့ အစားအစာ​တွေ​အတွက် မစ္စတာ ဝင်း​ပါ (Whymper) က​တ​ဆင့် လူ​တွေ​နဲ့ စတင် ကုန်သွယ်​ပါ​တော့​တယ်။ ငွေ​ကြေး​အပေး​အယူ​ကိစ္စ​တွေ​ကို ဖုံးကွယ်​ဖို့​အတွက် စ​ကွယ်​လာ​ဟာ တိရစ္ဆာန်​တွေ​ရှေ့ မျက်နှာ​ထွက်​ပြ​ရ​သူ ဖြစ်လာ​ပြီး မုသား​အမျိုး​မျိုး​သုံး​ကာ တိရစ္ဆာန်​တွေ​ကို လှည့်ပတ်​ပါ​တော့​တယ်။

တစ်​ည လေပြင်း​အတိုက်​မှာ ဆောက်​လက်စ လေ​ရဟတ် ပြို​ကျ​ပါ​တယ်။ န​ပို​လီ​ယန်​ဟာ မ​ရှိ​တော့​တဲ့ စနိုး​ဘော​ကို လေ​ရဟတ်​ပြို​ကျ​မှု​အတွက် အပြစ်တင်​ပြီး သေ​ဒဏ်ချ​မှတ်​ပါ​တယ်။ အလုပ်​နောက်ကျ​ပြီး ပြန်လာ​တဲ့ မြင်း ဘောက်​ဆာ (Boxer) နဲ့ မြည်း ဘင်​ဂျ​မင် (Benjamin) တို့​ဟာ လူ​အိပ်​ရာပေါ် တက်​အိပ်​နေ​ကြ​တဲ့ ဝက်​တွေ​ကို မျက်​ဝါး​ထင်​ထင် မြင်​ကြ​ရ​ပါ​တော့​တယ်။

ဆောင်းတွင်း​မှာ​တော့ အခြေအနေ​ပို​ဆိုး​လာ​ပါ​တယ်။ န​ပို​လီ​ယန်​ဟာ လူ​တွေ​ကို သူ့​ခြံ​ဟာ ဖွံ့ဖြိုး​တိုးတက်​နေ​သ​ယောင် လိမ်​ညာ​ထား​ပြီး တစ်​ပတ်​ကို ကြက်ဥ​လေး​ရာ​ရောင်း​မယ်​လို့ စာချုပ်​ပါ​တယ်။ နောက် ကြက်​တွေ​ကို အတင်းအကြပ် ဖိ​အားပေး​တဲ့​အတွက် ကြက်​တွေ ပုန်ကန်​ကြ​ပါ​တယ်။ အဲ​ဒီ​မှာ​တင် တိရစ္ဆာန် အများ​အပြား​ကို သစ္စာ​ဖောက်​မှု​နဲ့ စွဲချက်တင်​ပြီး သူ့​ခွေး​တွေ​နဲ့ ရှင်း​ခိုင်းလိုက်​ပြန်​ပါ​တယ်။ မ​ခံ​မ​ရပ်​နိုင်​ဖြစ်​ကြ​တဲ့ တိရစ္ဆာန်​တွေ​ဟာ အင်္ဂ​လန့်​သားရဲ သီချင်း​ကို သံပြိုင် သီ​ဆို​ကြ​ပါ​တယ်။  အဲ​ဒီ​မှာ​တင် တော်​လှန်​ရေး ပြီး​ဆုံး​သွား​ပြီ​ဖြစ်​တဲ့​အတွက်​ဆို​ပြီး အင်္ဂ​လန့်​သားရဲ​သီချင်း​ကို သီ​ဆို​ခွင့်​ကို​လည်း ပိတ်​ပင်​လိုက်​ပါ​တယ်။ အဲ​ဒီ​နောက်​မှာ​တော့ သန္နိဋ္ဌာန်​တစ်​ရပ်​က ဒီ​လို ပြောင်းလဲ​သွား​ပါ​တယ်။

“မည်​သည့်​တိရစ္ဆာန်​မှ အခြား တိရစ္ဆာန်​တစ်​ကောင်​ကို အကြောင်းမဲ့ မ​သတ်​ဖြတ်​ရ။”

နောက်​တော့ လေ​ရဟတ် တည်ဆောက်​မှု​ဟာ ပြီးစီး​သွား​ခဲ့​ပြီး န​ပို​လီ​ယန်​စက်​ရုံ လို့ ကင်ပွန်း​တပ်​ပါ​တယ်။ န​ပို​လီ​ယန်​ဟာ လယ်သမား​တစ်​ယောက်​ဖြစ်​တဲ့ ဖ​ရက်​ဒ​ရစ်​ကို သစ်​ရောင်း​ပါ​တယ်။ ဖ​ရက်​ဒ​ရစ်​ဟာ သစ်​ကို ငွေ​တု​တွေ​နဲ့ ပေး​ချေ​ပြီး တခြား​လယ်သမား​တွေ​ကို ခြံ​သိမ်း​ဖို့ စည်း​ရုံး​ပါ​တယ်။ လယ်သမား​တွေ​ဟာ ခြံ​ကို​လိုချင်​ကြ​တဲ့​အတွက် အုပ်စု​ဖွဲ့​ပြီး လာ​တိုက်​ကြ​ပြန်​ပါ​တယ်။ ဒီ​တစ်​ကြိမ်​မှာ​လည်း ခြုံ​ခို​တိုက်ခိုက်​ကာ အောင်မြင်​စွာ တွန်း​လှန်​နိုင်​ပေ​မယ့် တိရစ္ဆာန်​တွေ​ဘက်​က အကျ​အဆုံး ကြီးမား​ပါ​တယ်။ လေ​ရဟတ်​လည်း ဖောက်ခွဲ​ဖျက်​စီး ခံ​လိုက်​ရ​ပါ​တယ်။ အဲ​ဒါ​ကို လေ​ရဟတ်​တိုက်​ပွဲ (The Battle of Windmill) လို့ ခေါ်​ကြ​ပါ​တယ်။

Battle of Windmill

Battle of Windmill

တိုက်​ပွဲ​ပြီး​တဲ့​နောက် ဝက်​တွေ​ဟာ ဝီ​စ​ကီ​ပုလင်း​တွေ​တွေ့​လို့ ကောက်​မော့​ကြ​ပါ​တယ်။ သန္နိဋ္ဌာန် တစ်​ရပ်​ဟာ​လည်း ဒီ​လို ပြောင်းလဲ ခံ​လိုက်​ရ​ပါ​တယ်။

“အထိမ်း​အကွပ်​မ​ရှိ အရက်​မ​သောက်​ရ။”

Supreme Leader

Supreme Leader

န​ပို​လီ​ယန်​ဟာ သူ​တို့​ခြံ​ကို ပြည်​သူ့​သမ္မတ​ခြံ အဖြစ် ကြေညာ ပြီး သူ့​ကိုယ်​သူ သမ္မတ​အဖြစ် ပြိုင်ဘက်​မ​ရှိ တင်​မြှောက်​ပါ​တယ်။ ဝက်​မဟုတ်​တဲ့ ကျန်​တဲ့ တိရစ္ဆာန်​တွေ​က ပင်​ပင်ပန်း​ပန်း ဆက်​လုပ်​ကြ​ရ​ပါ​တယ်။ တောက်​လျှောက် အဓိက အလုပ်​လုပ်​လာ​ခဲ့​သူ ဘောက်​ဆာ​ဟာ တစ်​နေ့​တော့ လဲ​ပြို​ကျ​သွား​ခဲ့​ပါ​တယ်။ န​ပို​လီ​ယန်​က စောင့်ရှောက်​ဖို့ ဆေး​ရုံ​တင်​ကားခေါ်​ထား​တယ် ပြော​ပေ​မယ့် တကယ်​တမ်း သား​သတ်​သမား​ရဲ့ ကား ရောက်လာ​ပြီး ခေါ်​သွား​ပါ​တယ်။

ဝက်​တွေ​ဟာ ခြေ​နှစ်​ချောင်းပေါ်​မှာ လမ်းလျှောက်​လာ​ပါ​တော့​တယ်။ သူ​တို့​ဟာ သိုး​တွေ​ကိုခေါ်​သွား​ပြီး သံပေါက်​အသစ် သင်ပေး​ပါ​တယ်။

“ခြေ​လေး​ချောင်း ကောင်း၊ ခြေ​နှစ်​ချောင်း ပို​ကောင်း။”

တိရစ္ဆာန်​ထု​ကြီး​ဟာ ထိတ်လန့် ကုန်​ကြ​ပါ​တော့​တယ်။ ဝက်​တွေ​ဟာ နောက်ဆုံး သန္နိဋ္ဌာန်​ကို​ပါ ဒီ​လို ပြောင်းလဲ​လိုက်​ပါ​တော့​တယ်။

“တိရစ္ဆာန်​အားလုံး​သည် တူညီ​ကြ​သည်။ သို့ရာတွင် အချို့​သော တိရစ္ဆာန်​များ​က အခြား​သော တိရစ္ဆာန်​များ​ထက် ပို​၍ တူညီ​ကြ​သည်။”

More Equal

More Equal

ဝက်​တွေ​ဟာ သူ​တို့​ကိုယ်​သူ​တို့ အခွင့်အရေး အမျိုး⁠အမျိုး​နဲ့ မြှောက်စား​ကြ​ပါ​တော့​တယ်။ သူ​တို့​ရဲ့ သားသမီး​တွေ​ဟာ​လည်း အခွင့်​ထူး​ခံ ဝက်​တွေ ဖြစ်​ကုန်​ပါ​တော့​တယ်။ တယ်လီဖုန်း​ကို​လည်း ဝယ်​တပ်​ပြီး မဂ္ဂဇင်း​တွေ​လည်း မှာ​ဖတ် ကြ​ပါ​တော့​တယ်။ အဝတ်​တွေ​ကို​လည်း ဝတ်ဆင်​လာ​ကြ​ပြီး နောက်ဆုံး​မှာ ခြံ​ရဲ့​အမည်​ကို မန်​နာ​ခြံ (Manor Farm) ရယ်​လို့ ပြန်လည် အမည်ပေး​လိုက်​ကြ​ပါ​တော့​တယ်။ တိရစ္ဆာန်​အပေါင်း​ဟာ လူ​တွေ​နဲ့​အတူ ဖဲကစား​နေ​ကြ​တဲ့​ဝက်​တွေ​ကို ပြတင်း​က လှမ်း​ကြည့်​ပြီး ဘယ်​သူ​ကလူ ဘယ်​သူ​က​ဝက်​ရယ်​လို့ မ​ခွဲ​နိုင်​ကြ​တော့​ပါ​ဘူး။

Pig Delegates

Pig Delegates

ဒီ​နေရာ​မှာ​တင် ဇာတ်​သိမ်း​ပါ​တယ်။ မစ္စတာ​ဂျုန်း​ဟာ ရှ​ရှားတော်​လှန်​ရေး​မှာ ဖြုတ်​ချ​လိုက်​တဲ့ ဆီ​ဇာ​ဘုရင်​ဖြစ်​ပါ​တယ်။ Old Major က အိုင်​ဒီ​ယိုလော်​ဂျီ မွေး​ဖွား​ခဲ့​သူ လီ​နင် ဖြစ်​ပါ​တယ်။ စနိုး​ဘော​က စ​ဦးခေါင်း​ဆောင်ခဲ့​သူ ထ​ရော့​စ​ကီ ဖြစ်​ပါ​တယ်။ န​ပို​လီ​ယန်​က စ​တာ​လင်​ကို ဆိုလို​တာ​ပါ။ ခွေး​တွေ​က စ​တာ​လင်​ရဲ့ ခါးပိုက်​ဆောင်​တပ်ဖွဲ့ KGB ပါ။ လေ​ရဟတ်​က ဆိုဗီယက်​ရဲ့ နာ​မည်ကျော် ၅ နှစ် စီမံ​ကိန်း ဖြစ်​ပါ​တယ်။ နွား​တင်းကုပ်​တိုက်​ပွဲ​က ရုရှား ပြည်​တွင်း​စစ်​ပါ။ ဖ​ရက်​ဒ​ရစ် (ခြံ​ကို လာ​တိုက်​တဲ့​လယ်သမား) က ဟစ်​တ​လာ​ပါ။ တိရစ္ဆာန်​တွေ​ကို သေ​ဒဏ်​စီရင်​တာ စ​တာ​လင်​ရဲ့ ရက်စက်​မှု​ကို ညွှန်း​ဆို​တာ​ပါ။ လေ​ရဟတ်​တိုက်​ပွဲ​က ဒုတိယ ကမ္ဘာ​စစ်​ပါ။ လူ​တွေ​နဲ့ ဖဲရိုက်​တယ်​ဆို​တာ​ကတော့ ချာ​ချီ၊ ရု​စ​ဗဲ့ တို့​နဲ့ Tehran Conference မှာ စ​တာ​လင် ဆွေးနွေး​ခဲ့​တာ​ကို ဆိုလို​တာ​ပါ။

ရုပ်​ရှင်​ထဲ​မှာ​တော့ တိရစ္ဆာန်​တွေ ပုန်ကန်​ပြီး ဝက်​တွေ ကျ​ဆုံး​ကျ​တာ​နဲ့ ဆုံး​ထား​ပါ​တယ်။ ဝတ္ထု​ထဲ​မှာ​ရော တ​ကယ့်​အပြင်​မှာ​ပါ​တော့ အဲ​ဒီ​အတိုင်း မဟုတ်​ပါ။ အသက်​ထက်​ဆုံး ပျော်​ရွှင်​စွာ နေ​ကြ​လေ​သ​တည်း​ဆို​တာ ကလေး​ပုံပြင်​ထဲ​မှာ​ပဲ ရှိ​တယ်​ထင်​ရဲ့။ ရုပ်​ရှင်​ကို ပေါ့​ပေါ့ပါး​ပါး​ကြည့်​ရ​တာ ကောင်း​ပါ​တယ်။ သိပ်​အများ​ကြီး မ​တွေး​နဲ့။
Watch “Animal Farm” on YouTube.

3Ds Max 2011


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1222

3ds-max-logo-latest

Autodesk က Max new versions တွေ ထုတ်ရင် အပြောင်းအလဲ သိပ်ကြီးကြီးမားမား မရှိတတ်ပေမယ့် ဒီတစ်ခါတော့ အသစ်အဆန်းတွေ အများအပြားနဲ့ ထွက်လာပါပြီ။ Max Crazy တွေကတော့ သိပြီးကြလောက်ပါပြီ။ မစမ်းကြည့်ရသေးတဲ့လူတွေ၊ 3D စတော့မယ်၊ ဘာဆော့ဝဲသုံးရင်းကောင်းမလဲလို့ ချီတုံချတုံ ဖြစ်နေသူတွေအတွက် Max 2011 ရဲ့ Features တွေကို အတိုချုံး မိတ်ဆက်ပေးပါ့မယ်။

Composite 2011

၁။ Max ကထွက်တဲ့ Render တွေဟာ ကိုယ်စိတ်ကြိုက် တန်းဖြစ်လာဖို့ ခဲယဉ်းပါတယ်။ Composite Software တစ်ခုခုမှာ ပြန်သရတာက ထုံးစံပါ။ ဒါပေမယ့် Max package ထဲမှာ တစ်ခါတည်း ပါလာတဲ့ Composite က ဒီပြဿနာတွေကို အလွယ် ဖြေရှင်းပေးပါလိမ့်မယ်။ Max Render မှာပါတဲ့ Channels တွေကို အပြည့်အဝ နားလည်တဲ့အတွက် Motion Blur, Depth of Field, Image Exposure အစရှိတဲ့ Effects တွေကို အချိန်မကုန်ဘဲ ဖန်တီးနိုင်ပါလိမ့်မယ်။

Object Paint

၂။ Scene ထဲမှာ ကျောက်တုံးတွေ မြက်တွေ ပန်းပွင့်တွေ ကြဲဖြန့်ဖို့၊ ပြန့်ကြဲနေတဲ့ Object တွေရဲ့ Texture တွေ တစ်ခုနဲ့တစ်ခု ကွက်တိတူမနေအောင် လိုက်ပြင်ဖို့ Map တစ်ခုချင်း အသေးစိတ် လိုက်လုပ်ဖို့ စိတ်ညစ်နေပါသလား။ ဒီ Object Paint က အဲဒါတွေရဲ့ အဖြေပါ။

UI customization

၃။ ကိုယ်လိုချင်တဲ့ Tool က Screen ထောင့်နားမှာရောက်နေလို့ အဲဒါကို သုံးခါနီးတိုင်း တစ်မေ့တစ်မောကြီး သွားသွား ကလစ်နှိပ်နေရတယ်။ မပူပါနဲ့တော့။ User Interface Customization က ကိုယ်လိုချင်တဲ့ Menu တွေကို ကိုယ်စိတ်ကြိုက်နေရာမှာ ထားလို့ရအောင် ကူညီပေးပါလိမ့်မယ်။

Slate Mat Editor

၄။ အရင်က Material Editor မှာ ဘယ် Map ကို ဘယ်နေရာမှာသုံးထားလဲဆိုတာ တစ်ခုချင်း လိုက်ဖွင့်ကြညိ့နေရတယ်။ အခု Node Based Slate Material Editor အသစ်က အဲဒါကို ဖြေရှင်းပေးထားပါတယ်။ ရှုပ်ထွေးလှတဲ့ Materials တွေကို အလွယ်တကူ ခွဲခြမ်းစိတ်ဖြာ ဖန်တီးနိုင်ပါလိမ့်မယ်။ အသစ်တော့မဟုတ်ပါ။ တခြား 3D ဆော့ဝဲတွေမှာ ပါနေတာတော့ ကြာပါပြီ။

Viewport Canvas

၅။ Bodypaint 3D လိုမျိုး ဆော့ဝဲတွေမှာ သွားသွားပြီး 3D Model တွေကို ဆေးခြယ်နေရတဲ့ ဒုက္ခက လွတ်ပါပြီ။ ဒီ Max က Viewport Canvas ထဲမှာတင် Photoshop ပုံစံ layer အမြောက်အများနဲ့ အသေးစိတ် ဆေးခြယ်နိုင်ပါပြီ။ Viewport Canvas က Max 2010 မှာ စပါခဲ့ပေမယ့် အခု Version က ပိုပြည့်စုံ ကောင်းမွန်ပါတယ်။

Quicksilver Hardware Renderer

၆။ Quicksilver Hardware Renderer က CPU ရော Graphic Card က GPU ပါသုံးပြီး Render လုပ်ပေးနိုင်တဲ့ Renderer အသစ်ဖြစ်ပါတယ်။ Render ကြာလို့ စိတ်ညစ်နေသူတွေ စိတ်ကြိုက်ဖြစ်မယ့် New Renderer ပါ။ တော်တော်ကြည့်ပျော်ရှုပျော်ရှိတဲ့ Fake GI တွေကိုလည်း simulate လုပ်ပေးနိုင်ပါသေးတယ်။ Production Render လုပ်နေသူတွေအတွက်လည်း Final မထုတ်ခင် ဒါနဲ့ အစမ်းသဘောမျိုး အမြန် ထုတ်ကြည့်နိုင်ပါသေးတယ်။

V-ray အတွက် ကလည်း sp1.5 for Max2011 ထွက်ပါပြီတဲ့။ ကဲ Max ကို တစ်ခွေတစ်ထောင်နဲ့ဝယ်ပြီး အဲ.. ဒေါ်လာ ၃၅၀ဝ နဲ့ ဝယ်ပြီး စမ်းကြည့် လိုက်ကြရအောင်။ :P

Ivy Generator


Warning: Missing argument 2 for wpdb::prepare(), called in /home/yoeyar/blog.yoeyar.com/wp-content/plugins/nextgen-gallery/lib/tags.php on line 318 and defined in /home/yoeyar/blog.yoeyar.com/wp-includes/wp-db.php on line 1222

မိမိရဲ့ 3D Scene အတွက် ရှုပ်ထွေးပွေလီတဲ့ နွယ်ပင်နွယ်ခက်တွေ လိုချင်ပါသလား။ Ivy Generator ဆိုတဲ့ Open Source Software ပေါက်စလေးရှိကြောင်း လက်တို့လိုက်ပါရစေ။

သူ့ရဲ့ရည်ရွယ်ရင်းက သဘာဝကျကျရှုပ်ရှက်ခတ်နေတဲ့ နွယ်ပင်တွေ ကျပန်းထုတ်လုပ်ပေးဖို့ဖြစ်တယ်။ သူ့ရဲ့အရွက်တွေဟာ လေးထောင့်ပြား Square Plane ဖြစ်တဲ့အတွက် Alpha Channel ပါတဲ့ ဘယ် Texture မဆို သုံးလို့ရတယ်။ သူ့ Software လေးထဲမှာ နွယ်ပင်တွေပေါက်လာတာ ကြည့်ရတာနဲ့တင် စမ်းကြည့်ရကျိုးနပ်တယ်လို့ ပြောရမယ်။

သူ့ရဲ့ Export Import Format က obj နဲ့ mtl ဖြစ်တယ်။ နွယ်ပင်တွေအများကြီးဖြစ်သွားရင်တော့ Import မှာ တော်တော်နှေးလိမ့်မယ်။ V-ray သမားတွေဆိုရင်တော့ Scene ပေါ့စေဖို့ V-ray Proxy သုံးဖို့ လိုပါလိမ့်မယ်။

ဒါကတော့ Botanic Garden ကားပါကင်က စားသောက်ဆိုင်ရဲ့ အောက်ဒိုး Scene တွေထဲက တစ်ခုဖြစ်တယ်။ Botanic Garden ဘက် နံရံပေါ်က နွယ်တွေကို Ivy Generator နဲ့ ထုတ်ထားတာဖြစ်တယ်။ Render မြန်အောင် Anti-aliasing ပိတ်ထားတဲ့အတွက် ပုံက အနီးကပ်ကြည့်ရင် Pixel ထောင့်တွေထနေတာ တွေ့ရလိမ့်မယ်။

Botanic Garden Ivy

Botanic Garden Ivy

Proudly powered by WordPress
Theme: Esquire by Matthew Buchanan.